Keshe qart qurlyqtyń Brıstol qalasynyń qarapaıym turǵyndary sherý barysynda HVII ǵasyrda álemde joıdasyz óristegen qul saýdasyn júrgizýshi, aǵylshyn kópesi, mesenat Edvard Kolstonnyń (1636-1721) eskertkishin qulatyp, ony ózenge batyryp jiberdi.
Bul eskertkish 1895 jyly turǵyzylǵan eken. Sońǵy jyldary E.Kolstonnyń tiride atqarǵan is áreketi qoǵam tarapynan aýyr synǵa ushyryp, tipti ótken jyldary onyń músinin alyp tastaý jaıly qalanyń 11 myń turǵyny qol qoıǵan narazylyq hat qala merine tabystalǵan bolatyn.
О́ıtkeni, bul adam sol zamanynda, ıaǵnı 1672-1689 jyldary Afrıka qurlyǵynan 100 myńdaǵan qara násildi adamdardy Amerıkaǵa alyp baryp quldyqqa satqan. Onymen qoımaı tiri taýarlardyń keýdesine óz kompanııasynyń saýda belgisi RAC degen tańba basatyn bolǵan.
Quldardy qurlyq asyryp tasymaldaý kezinde ashtyq pen aýrý saldarynan 20 myń adam qaza tapqany jaıly derek aıtalady.
Bul adam qul saýdasynan túsken aqshaǵa Brıstol qalasyna úlken konsert tanhımyn turǵyzyp, oǵan óz esimin bergizgen eken. 2017 jyly bul mádenı nysannan onyń aty alynyp tastalǵan edi. Endi mine, 125 jyldan keıin eskertkishi qulatyldy. Tarıh qatelikti keshpeıdi degen osy shyǵar.
