– Meniń Almaty qalasy Qoǵamdyq densaýlyq basqarmasynyń basshysy retinde alǵashqy brıfıngime qosh keldińizder. Osyndaı konferensııalar júıeli túrde ótetindigine senemin. Almaty men úshin týǵan jerim, bilim alyp, alǵashqy kásibı qadamdarymdy jasaǵan qala, sondyqtan osynda jumys isteý men úshin óte jaǵymdy jáne jaýapty dep sanaımyn, – dep bastady sózin megapolıstiń Bas dárigeri.
Kamaljan Nadyrov aldymen Almatyda koronavırýstyq ınfeksııamen kúres aıasynda júrgizilgen jumystardy retimen, tizbektep shyqty:
- Epıdemııaǵa qarsy jáne profılaktıkalyq is-sharalardy úılestirý úshin jaǵdaıǵa monıtorıng jumystaryn turaqty túrde júrgizip otyratyn Koronavırýstyq ınfeksııanyń aldyn alý jónindegi óńirlik shtab quryldy.
- Almaty qalasynyń aýmaǵynda koronavırýstyq ınfeksııa jaǵdaılarynyń ákelinýi men taralýynyń aldyn alýda profılaktıkalyq, epıdemııaǵa qarsy is-sharalardyń keshendi jospary bekitildi.
- Koronavırýstyq ınfeksııanyń ákelinýi men taralýynyń aldyn alý boıynsha barlyq múddeli qyzmetterdiń ózara is-qımyl algorıtmi bekitildi.
Dúısenbi kúni О́zderińiz biletindeı, bizdiń elde pandemııa týraly jarııalanǵanǵa deıin COVID-19 vırýsynyń ákelinýi men taralýyn boldyrmaý úshin tıimdi sharalar qabyldandy.
Medısına qyzmetkerleri Almaty qalasy boıynsha epıdemıologtarmen jáne sanıtarlyq mamandarmen birlese otyryp, shamamen 2 myń reıs qabyldap, eki júz myńnan astam jolaýshymen jumys júrgizdi. Meniń áriptesterim shetelden kelgen otandastarymyzdy táýlik boıy qabyldap, karantındik stasıonarlarǵa, qonaq úılerge ornalastyryp, testileý júrgizdi, – dedi K. Nadyrov.
– Búgingi kúni qaladaǵy KVI jaǵdaıy turaqtaldy, sońǵy aıda aýrýǵa shaldyǵýdyń ortasha ósimi shamamen 2,3%-ǵa, sońǵy aptada ósim 1,1 paıyzdy qurady. Qazirgi ýaqytta Almatyda tirkelgen KVI jaǵdaılarynyń sany – 2882, onyń ishinde 1875 adam saýyǵyp, emdeýden shyǵaryldy, bul tirkelgenderdiń jalpy sanynyń 65%-yn quraıdy, tek ótken aptada 323 adam emdelip shyqty. О́kinishke oraı, ólim-jitim jaǵdaılary da oryn alyp – 10 adam KVI-den qaıtys boldy, osylaısha qazirgi ýaqytta 975 pasıent emin jalǵastyrýda. Medısınalyq uıymdar shtattyq rejımde bekitilgen emdeýge jatqyzý algorıtmine sáıkes jumys isteýde.
Qazir Qoǵamdyq densaýlyq basqarmasynyń negizgi kúsh-jigeri medısına qyzmetkerleriniń qaýipsiz eńbek jaǵdaılaryn qamtamasyz etýge jáne medısınalyq kómek alý kezinde pasıentterdiń qaýipsiz bolýyna baǵyttalǵan. Medısına qyzmetkerleri barlyq qajetti jeke qorǵaný quraldarymen qamtamasyz etilgen. Budan basqa, aýrýdyń múmkin bolatyn jańa tolqynyna – kúzgi kezeńine daıyndyq jumystary júrgizilýde, dedi Qoǵamdyq densaýlyq basqarmasynyń basshysy.
ALMATY
