Sonymen qatar jergilikti ózge ult ókilderine qazaqshany tildesý arqyly úıretý, oıyn qazaqsha erkin jetkize bilýge jaǵdaı jasaý maqsatynda «SÓILE» klýby qurylǵan bolatyn. Bul oraıda, aýdannyń Masanchı, Sortóbe, Bular batyr, Aýqatty, Báıterek jáne Qarasý aýyldarynda ashyq aspan astynda «SÓILE» klýby ashylyp, atalǵan sharaǵa barlyǵy 200-den astam adam qatysty. Sondaı-aq TedX ádisimen atalǵan klýbtyń otyrysy ótti.
Atalǵan aýyldarda klýb otyrysy jazǵy maýsym kezinde ashyq aspan astynda apta saıyn ótkiziledi. Jyl sońyna deıin qazaq tilin úıretý sabaǵyna 1500 adamdy tartý josparlanyp otyr. Nátıjesinde, aýdanda memlekettik tildi jetik meńgergen, qazaq tilinde erkin sóıleı alatyn orta qalyptasatyn bolady. Jambyl oblysynyń ákimi Berdibek Saparbaev óziniń Qordaı aýdanyna jumys sapary barysynda da Sortóbe aýylynda bolyp, «SÓILE» klýbynyń kezekti otyrysyna qatysqan edi. Ákim munda tyńdaýshylarmen suhbattasyp, til – adamnyń eń negizgi baılyǵynyń biri ekenin, sonymen qatar qazaq tilin ultaralyq qatynas tili retinde qoldaný kerektigin aıtqan bolatyn. Qazirgi kezde Qordaıda turǵyndarǵa qazaq tilin úıretý jumystary bekitilgen kestege sáıkes júrgizilýde.
Jambyl oblysy
