Jasyratyny joq, eldi mekenderde jumys isteýge ótinish beretinderdiń deni – jas muǵalimder men dárigerler. Máselen, byltyr bilim berý salasyna 21, densaýlyq saqtaý mekemelerine 8 jas maman jumysqa tartyldy. Oblystyq ekonomıka jáne bıýdjettik josparlaý basqarmasynyń málimetine qaraǵanda, bıyl 135 jas mamanǵa jeńildetilgen nesıe berý josparlanyp otyr.
"Qazir 39 mamannyń ótinishi maquldandy. Jas mamandardyń ótinish berýge áli de múmkindigi bar. Bul úshin qalalyq, aýdandyq ákimdikterdiń ekonomıka jáne qarjy bólimderine nemese HQKO-ǵa qujattaryn tapsyrýy qajet", -deıdi Atyraý oblystyq ekonomıka jáne bıýdjettik josparlaý basqarmasynyń mamandary.
Bıyl aýyldarǵa jumysqa keletin mamandarǵa jergilikti bıýdjetten 100 AEK kóleminde birjolǵy kóterme járdemaqy, al, turǵyn-úı satyp alýǵa 1500 AEK shamasynda nesıe berý qarastyrylypty.
