Tótenshe jaǵdaı rejımi kezinde jáne ol aıaqtalǵannan keıin kúntizbelik 60 kún ishinde merzimi ótken nemese ótetin jeke basty kýálandyratyn qujattardyń respýblıkanyń aýmaǵynda jaramdy dep taný týraly QR Úkimetiniń 2020 jylǵy 11 mamyrdaǵy №283 qaýlysy qabyldandy. Osy baǵytta Shymkent qalasynyń Polısııa departamentimen júıeli jumystar atqarylyp jatyr.
Kóshi-qon qyzmeti basqarmasynyń qyzmetkerleri Abaı, Ál-Farabı, Eńbekshi, Qarataý aýdandarynyń Polısııa basqarmalarynyń qyzmetkerlerimen birlesip, júrip-turýy qıyn turǵyndar men qarttardyń úıine baryp, qujattaryn jańartýǵa qyzmet kórsetýin jalǵastyrdy.
Máselen, Abaı APB KQQB-nyń ınspektory N.Ondasınov, Ál-Farabı APB KQQB-nyń aǵa ınspektory N.Paljıgıtov, Eńbekshi APB KQQB-nyń ınspektory M.Meıirbekov, Qarataý APB KQQB-nyń ınspektory J.Saýǵabaev qaladaǵy karantın rejımi kezinde jeke kýáliginiń merzimi ótken, múgedek jáne qart turǵyndarǵa kóshpeli qyzmet túrin kórsetip, olardyń úıine arnaıy baryp, jeke kýálikterin qaıta rásimdeýge kómektesti.
Sondaı-aq, Kóshi-qon qyzmeti basqarmasynyń qyzmetkerleri men Halyqqa qyzmet kórsetý ortalyǵynyń qyzmetkerlerinen qurylǵan mobıldi top Uly Otan soǵysynyń ardagerleri, Tyl ardagerleriniń úıine daıyn jeke kýálikterin alyp baryp, zańdastyryp berdi. Atqarylǵan jumystar nátıjesinde, 348 turǵynǵa QR azamatynyń jeke kýáligi resimdelip, daıyn qujattary berildi.
