Búgingi tańda hımııalyq óńdeý jumystary Moıynqum aýdanynda 1300 gektar, Shý aýdanynda 1020 gektar, Merki aýdanynda 1060 gektar alqapqa júrgizilip, tolyǵymen aıaqtalǵan. Al, Qordaı aýdanynda 985 gektar, T.Rysqulov aýdanynda 950 gektar alqapta óńdeý jumystary jalǵasýda. Jalpy, aǵymdaǵy jyly óńirde saıaq shegirtkelerge qarsy hımııalyq óńdeý jumystaryn júrgizýge jergilikti bıýdjetten 15,3 mıllıon teńge bólingen.
Jambyl oblystyq aýyl sharýashylyǵy basqarmasynyń málimetinshe, bıylǵy kóktem mezgiliniń salqyn bolýyna baılanysty óńdeý jumystary jyldaǵydan kesh bastalǵan. Sebebi kóktem mezgiliniń salqyndyǵy saıaq shegirtkelerdiń shyǵý kezeńin jáne birinshi kezeńnen ekinshi kezeńge taralý merzimin uzartqan.
Jambyl oblysy
