Buǵan sebep – álemdi jaılaǵan koronavırýs indetiniń saldary. Sonymen qatar, halyqaralyq ishki taýar aınalymy álsirep, syrtqy saýda-sattyqtyń toqyraýy keıbir damýshy memleketterdiń ekonomıkalyq qýatyn 7 paıyzǵa quldyratýy múmkin degen de boljamdar jasalýda.
"Mundaı jaǵdaı sońǵy 60 jylda bolmaǵan qubylys. Álem boıynsha jan basyna tıeseli tabys mólsheri orta eseppen 3,6 paıyzǵa tómendep, mıllıondaǵan adam kedeıshilik zardabyn tartýy kádik. Ásirese, halyqaralyq týrızm, eksport salasy sonymen birge, syrtqy qarjylandyrý kózderine arqa súıep damyp otyrǵan elder ekonomıkasy sózsiz tyǵyryqqa tireledi", - deıdi Álemdik bank sarapshylary.
"Osy daǵdarys saldaryn uzaq ýaqyt boıy jazylmaıtyn jara tárizdi dep túsingen durys. Bundaı jara jazylǵanymen tyrtyǵy qalady. Sol sebepti, halyqaralyq qaýymdastyq álemdik ekonomıkanyń jarasyn jazý úshin saýyqtyrý sharalaryn qabyldaý kerek. Ásirese, kedeıshilik pen jumyssyzdyqty boldyrmaý úshin barlyq múmkindikti qarastyrǵan durys", - deıdi Álemdik bank qarjy ınstıtýtyn jaýapty vıse-prezıdenti Jeıla Pazarbashıoglý.
