Daýys berý nátıjeleri boıynsha QRKF Atqarý komıtetiniń músheleri Kásipodaqtar federasııasynyń JKK quramyna kirýi týraly sheshimdi biraýyzdan qabyldady.
Qabyldanǵan sheshimniń kelisilgenin atap ótken QRKF tóraǵasy Satybaldy Dáýletalın dúnıe júzi boıynsha ekonomıkalyq ósim qarqynynyń lezde tómendeýi jáne eńbekkerlerdiń áleýmettik qorǵalýynyń álsireýi jaǵdaıynda kásipodaqtardyń halyqaralyq áriptestermen qarym-qatynasyn nyǵaıtýdyń mańyzdylyǵyn atap ótti.
"Búginde dúnıejúzilik kásipodaqtardyń aldynda tıimdi ózara baılanyssyz sheshý múmkin bolmaıtyn kúrdeli mindetter tur. Osy rette Jalpyǵa birdeı kásipodaqtar konfederasııasy qoldaý men yntymaqtastyq, áriptestik, tájirıbe almasý aksııalaryn uıymdastyrý úshin eleýli áleýetke ıe. Biz eńbekkerlerdiń áleýmettik-ekonomıkalyq múddelerin jan-jaqty qorǵaý úshin kúsh biriktirý arqyly daǵdarysty birlesip eńseretindigimizge senimdimiz", - dep atap ótti QR Kásipodaqtar federasııasynyń tóraǵasy.
QRKF Atqarý komıtetiniń músheleri Kásipodaqtar federasııasynyń JKK kirýi elimizdegi kásipodaqtar qozǵalysynyń ustanymyn halyqaralyq deńgeıde kúsheıtetindigi týraly ortaq pikirge keldi.
Kirý týraly ótinishpen birge tıisti úndeý Jalpyǵa birdeı kásipodaqtar konfederasııasyna jiberildi.
