AQSh-ta alaıaqtyq operasııasyna qatysqan qazaqstandyqtardyń sany 16-ǵa jetti. Bul týraly «Ekspress-K» gazeti jazdy.
Munyń aldynda biz bulardyń sanynyń 5-beseý ekenin málimdegenbiz. Keıin AQSh quqyq qorǵaý organdary bul tizimge kirgen jerlesterimiz sanyn 16-ǵa toltyrdy.
Olar kimder?
Olardyń aty-jónderi mynadaı:
Stanıslav Melnıkov (26-da), Renat Talanov (25-te), Madlen Ospanova (26-da), Merýert Ahmetova (37-de), Indıra Ahmetova (21-de), Vıacheslav Lazarev (21-de, qamaýǵa alynǵan), Evgenıı Ivanov (22-de), Jasulan Shilikbaı (2-de), Ilııas Ábdirahaı (27-de), Vıacheslav Soı (25-te), Nurbek Ahmadıev (25-te), Álisher Omarov (25-te), Ulan Zákirov (22-de), Taıyr Juryn (22-de) jáne Evgenıı Sotnıkov (2-da).
FBR-dyń málimeti boıynsha, bulardyń bári eki myńnan astam adamnyń jeke málimetterin urlap alǵan qylmystyq toptyń músheleri bolyp tabylady. Bul aqparattardy alaıaqtar salyq organdaryna aryz jazyp, jalpy somasy 17 mln. dollardy qaıtaryp alýǵa áreket jasaý úshin paıdalanǵan.
Bul alaıaqtyqty uıymdastyrýshylar retinde Artýr Grıgorıan, Ernest Soloıan jáne Ovanes Arýtıýnıan esimdi Armenııadan shyqqan AQSh azamattary uıymdastyrǵan degen boljam bar. Aıyptalýshylar qatarynda sondaı-aq Reseıdiń, О́zbekstannyń jáne Túrkimenstannyń azamattary bar.
Sultan Bozaıǵyr.
