Máskeýde aýyr salmaqtaǵy kásipqoı boksshylar Aleksandr Povetkın men Vladımır Klıchkonyń arasynda ótken aıqasty kórip bolǵannan keıin Irkýtsk oblysyndaǵy bir kafede otyrǵan jastar eki daı bolyp qyrylyp tóbelesti. Bul týraly RIA «FederalPress» tilshisi habarlady.
Janjal Jerdovka kentindegi kafede boks matchynan translıasııa bitkennen keıin kóterilgen. Áldenege kelise almaǵan eki top arasynda sosyn tóbeles bastalǵan. Shaıqastyń sońyna qaraı oǵan qatysýshylardyń birin ekinshi jaqtyń adamdary kólikterine kúshtep mingizip, alyp ketken. Keıinirek jas jigit úıine qaıtyp kelgen, al onyń anasy sol boıda polısııaǵa baryp shaǵymdanǵan.
Búginge deıin Ýst-Orda aýdanynyń tártip saqshylary tań aldynda adam urlaýǵa qatysy bolǵan bes jigitti ustaıdy. Qazirgi tańda polıseıler jaǵdaıdyń qalaı bolǵanyn búge-shigesine deıin anyqtap jatyr.
Qaırat Qojanazar.
