Keshe Mysyrda oryn alǵan tártipsizdikterden 44 adam qaza bolyp, 246-sy jaraqat aldy. Bul týraly ITAR-TASS habarlady.
Qaza bolǵandar sany áli de ósýi múmkin. Sebebi, aýrýhanaǵa jetkizilgenderdiń arasynda jaǵdaıy aýyrlary bar kórinedi.
Mysyr astanasy men ózge de provınsııalarda tártip saqshylary men jergilikti turǵyndar Mýhammed Mýrsıdiń jaqtaýshylaryna qarsy shyqty. Kaırde Mýrsıdiń jaqtaýshylary narazylyq sherýin Tahrır ortalyq alańynda jalǵastyrmaq boldy. Alaıda, kóz jasaýratatyn gazdy molynan qoldanǵan tártip saqshylary olardyń joldaryna tosqaýyl boldy. Al Kaırdyń Dokkı aýdanynda ıslamıster birneshe janarmaı beketin tonap, artynan olardy órtep jibergen. Sondaı-aq olar jol polısııasy basqarmasy ǵımaratyn órtegen. Qazirgi ýaqytta kúshtik qurylymdar tártipsizdikter oryn alǵan jerlerdiń birazyn óz baqylaýlaryna aldy. Keshe olar Kaırdyń ózinde ǵana 400-den asa tártip buzýshylardy ustady.
Aıdar О́risbaev.
