Aımaqta "Dıplommen aýylǵa" baǵdarlamasy bastalǵaly aýyldyq eldi mekenderge 5,1 myńnan astam jas maman barǵan. Jastardyń baspana máselesin sheshý barysynda, bıyl respýblıkalyq bıýdjetten 1 mlrd 495,2 mln teńge bólindi. Bul byltyrǵy kórsetkishke qaraǵanda 55%-ǵa artqan. Al bir rettik járdemaqy berýde bıýdjetten 117 mln teńge qarastyrylyldy. Qarajat 421 adamǵa jetýi tıis. Qazirdiń ózinde 34 jas mamanǵa 9,4 mln teńge berildi. Úı turǵyzýǵa 80 jas ynta bildirdi. Olarǵa 324,9 mln teńge kóleminde nesıe berý josparlanǵan. Úı salǵysy keletinderdiń 39-y ustazdyq qyzmette bolsa, 23-i densaýlyq saqtaý salasynyń mamandary, dedi Arhımed Muhambetov.
Jalpy, "Dıplommen aýylǵa" baǵdarlamasy aıasynda 3590 jas maman aýyldyq eldi mekenderge muǵalim bolyp barǵan. 3373 mamanǵa 410,5 mln teńge kóleminde kóterme járdemaqysy tólenip, 1466 muǵalimge 3,5 mlrd teńge ıpotekalyq nesıe berilgen. Atalǵan baǵdarlama aıasynda uzyn-yrǵasy 15 myńǵa taıaý medısına mamany aýylǵa jumys isteýge barǵan. Onyń 1900-y dáriger, 6 myńnan astamy − medbıke.
