Aımaqtar • 16 Maýsym, 2020

"ArselorMıttal Temirtaý" kómir shahtalarynyń qaýipsizdigi artady

19 ret kórsetildi

"ArselorMıttal Temirtaý" AQ Kómir departamenti shahtalarynyń óndirý brıgadalaryna jumysy odan saıyn yńǵaıly ári qaýipsiz bolady. Bul úshin arnaıy "Qurylysmet" JShS RGTO zaýytynyń №1 óndirisi jańǵyrtylǵan GM 15-29M mehanıkalandyrylǵan kesheni seksııalarynyń alǵashqy bes prototıpi tanystyryldy, dep jazady Egemen.kz

"ArselorMıttal Temirtaý" AQ Kómir departamentiniń bas mehanıgi Aleksandr Trottyń aıtýynsha, usynylǵan jabdyq – KD jáne "Qurylysmet" JShS mamandarynyń kúshimen júzege asyrylǵan, mehanızasııalanǵan bekitpeniń jelilik seksııalarynyń tórtinshi býyny bolyp tabylady.

Kómir departamentinde sońǵy kezde jıi qoldanylatyn mehanıkalandyrylǵan Glınnık 08-22 jáne Glınnık 08-26 seksııalaryn jańǵyrtý ıdeıasy 2006 jyly paıda boldy. Sol kezde polıak áriptesteriniń qatysýymen jáne olardyń syzbalary negizinde birinshi jańǵyrtý júrgizildi. Osylaısha GM 15-29 jáne GM 14-22 seksııalaryn jasaı bastady. Sodan keıin Glınnıkten 15-29 GM 15-29Ý jáne keıingi modıfıkasııalary jańartyldy.

"Bul seksııalar óz iz ashary GM 15-29Ýdan shamamen 40%-ǵa erekshelenedi", dep túsindirdi Aleksandr Trot. "Barlyǵy bizdiń kenshilerdiń jumysyn yńǵaıly jáne qaýipsiz etý úshin jasaldy".

GM 15-29M jańa modıfıkasııasy qoldanystaǵylardan qaıta jasalmaı, "Qurylysmet" JShS óndiristerinde nólden daıyndalǵan: jobany ázirleýden jáne syzbalardy daıyndaýdan bastap elementter men jınaqtaýyshtardy daıyndaýǵa deıin. "Shahterlerdiń aldyńǵy seksııalardyń jumysy boıynsha aıtylǵan barlyq pikirleri ázirlemelerde eskerildi", dedi "Qurylysmet" JShS dırektory Ǵabıt Omarhanov. "Negizgi ıdeıa − jumys qaýipsizdigi men yńǵaılylyǵy jáne ónimdilik.

Jobany júzege asyrýǵa jáne alǵashqy bes seksııany daıyndaýǵa bes aıǵa jýyq ýaqyt ketti. Ǵabıt Telmanulynyń aıtýynsha, 2020 jyly bekitpeniń 40 seksııasyn shyǵarý josparlanýda. Jańa jabdyqty qurýǵa "Qurylysmet" JShS-niń ujymy tolyqtaı qatysty: konstrýktorlar, RGTO zaýyty men NOMM zaýytynyń óndirýshileri − kóptegen element osy óndiris alańynda daıyndalǵan.

"Meniń oıymsha, biz munymen shektelmeımiz", dedi Aleksandr Trot. "Biz jaqsartýlar men ınnovasııalar jolyndaǵy jumysymyzdy jalǵastyratyn bolamyz.

Sońǵy jańalyqtar

Uqsas jańalyqtar