"Vaksınasııa mańyzdylyǵyn, ásirese, búgingideı búkil álem koronavırýs indetimen kúresip jatqan kezde qaıta baǵalaý barynsha kúrdeli ekendigi belgili. Qazir vaksına ázirleýdiń oń nátıjelerin taǵytsyzdana kútip otyrmyz. О́zderińizge belgili ekpege qarsy ıdeıalar men pikirler de bar. Árıne olardy elemeı ketýge bolmaıdy", - dedi Aıda Balaeva.
Mınıstrdiń aıtýynsha, kópshiligi ekpeniń ózine emes, onyń sapasyna qarsy. Jańa kodeks erekshelikterdiń bárin eskerip, jaýapkershiliktiń, onyń ishinde sapasyz vaksınasııa úshin de naqty tetikter engizedi.
"Onyń sátti júzege asyrylýyna siz ben bizdiń densaýlyǵymyz ǵana emes, sondaı-aq balalarymyz ben nemerelerimizdiń de aman-esendigi baılanysty. Rasynda bul bolashaǵymyzdyń kepili. Sondyqtan biz úshin eń aldymen sarapshylardyń pikirlerin tyńdaý mańyzdy. Búgingi kezdesýimiz qoǵamdaǵy barlyq ózekti suraqtarǵa laıyqty jaýap tabatynyna senimdimin", - dedi ol.
Aıta keteıik, Aqparat jáne qoǵamdyq damý mınıstrliginiń Facebook paraqshasynda onlaın rejımde "Mindetti ekpe: qoldaýshylar men qarsy bolýshylar" taqyrybynda kezdesý ótip jatyr. Oǵan Aqparat jáne qoǵamdyq damý mınıstri Aıda Balaeva, Densaýlyq saqtaý vıse-mınıstri Lıýdmıla Bıýrabekova, azamattyq qoǵam ókilderi, sarapshylar jáne BAQ ókilderi qatysýda.
