Sonymen qatar oblystyń bas memlekettik sanıtarlyq dárigeri tikeleı efırde óńirdegi týrıstik aımaqtarǵa kirýge tyıym salynatynyn aıtty. Al ol jaqtaǵy adamdar áleýmettik qashyqtyqty saqtap, maska kıip júrýi tıis ekenin eskertti Qanat Asqarov.
Sondaı-aq Qanat Asqarov 14 jasqa deıingi balalarǵa eresektersiz úıden shyǵýǵa tyıym salynatynyn, 65 jastan asqan adamdarǵa asa qajetsiz kóshege shyǵýǵa bolmaıtynyn habardar etti.
"Barlyqtaryńyzdy osy nusqamalardy buljytpaı oryndaýǵa shaqyramyn. Jandaryńyzda balalar, júkti áıelder, qarııalar jáne sozylmaly syrqatpen aýyratyn adamdar bar ekenin este ustańyzdar. Olar COVID-19 indeti boıynsha táýekel tobyna kiredi. О́zińizdiń densaýlyǵyńyz ben jaqyndaryńyzdyń ómiri sizdiń qolyńyzda", – dedi Qanat Asqarov.
Sondaı-aq, Qaraǵandy qalasynyń ákimi Nurlan Áýbákirov te tikeleı efırge shyǵyp, indetke qarsy sharalardy saqtaýdyń mańyzdylyǵyna toqtaldy. Ol qazirgi tańda oblys ortalyǵyndaǵy medısınalyq mekemelerdiń óz múmkindikteriniń sheginde jumys istep jatqanyn atap ótti.
"Epıdemııa bastalǵan kezde oǵan senetinderdiń sany az bolsa, qazirgi jaǵdaıda indettiń bar ekenine eshqandaı kúmán bolmaýy kerek. Kóbimizdiń týystarymyz ben jaqyndarymyz koronavırýs ınfeksııasyn juqtyrdy. Sizderden betperde, qolǵap kıip júrýdi, antıseptıkterdi paıdalanyp, adamdar kóp jınalatyn jerlerden aýlaq bolýlaryńyzdy ótinip suraımyn. Jaqyn arada qalypty ómirge qaıta oralýymyz sanıtarlyq normalardy qanshalyqty qatań ustanýymyzǵa baılanysty bolmaq", – dedi kenshiler astanasynyń ákimi.
Eske salar bolsaq, karantındik shekteýlerdi alyp tastaý koronavırýs ınfeksııasynyń kúndelikti ósimi apta boıy 7 paıyzdan aspaǵanda ǵana múmkin bolady.
