Bul týraly shaǵyn jáne orta kásipkerliktiń jumysyna qatysty onlaın baspasóz jıynynda Pavlodar oblysy ákiminiń orynbasary Sáken Shaıahmetov málim etti.
"Biz mundaı shekteýlerdi karantındik talaptardyń saqtalmaýyna baılanysty qabyldap otyrmyz", - dedi Sáken Shaıahmetov.
"Koronavırýstyń taralýy qarqyn alyp barady. Bul jerde adamdar sanaly túrde ujym bolyp jaýap berýi tıis. Tótenshe jaǵdaı kezinen beri saýnalar, kınoteatr sııaqty 840 nysan áli jumysyna qaıta kirisken joq. Olardy kestege saı ashý josparlanǵan bolatyn. Adamdardyń nemquraıly qaraýynan qaıta shekteýlerge kelýge májbúrmiz jáne sol nysandardyń ashylýy ázirge múmkin bolmaı tur. Sáken Shaıahmetovtiń aıtýynsha, aýdandarda monıtorıng toptary jumys jasaıdy. Olar talaptardyń saqtalýyn baqylaıdy. О́ńirde monıtorıng toptarymen tótenshe jaǵdaı kezinde 3200-ge jýyq nysanda jáne TJ-dan keıin 2200 nysanda erejelerdiń saqtalýy tekserildi. - Sol tekserýlerde 100-den astam ereje buzylǵany anyqtaldy", - dedi Sáken Shaıahmetov.
Oǵan qosa, avtobýstar da tekserildi. Tipti, bir kásipker 100 AEK kóleminde aıyppul tóledi. Monıtorıng toptarymen birge quqyq qorǵaý organdary da tartylǵan. Áli de baqylaý jalǵasady. Ereje buzǵandar jazalanady.
