Talapker testileýge kirý aldynda dezınfeksııalaýdyń 5 kezeńinen (tonnel, aıaq kıimin tazartatyn kilemshe, qolyn antıseptıkpen súrtý, dene qyzýyn ólsheý) ótedi. Osydan soń test tapsyrýshy óziniń bet álpetin arnaıy baǵdarlama arqyly sáıkestendirip, ózi taǵyp kelgen medısınalyq maskasyn kireberiste beriletin jańasymen almastyrady. Ári qaraı jyldaǵydaı tekserispen (UBT-ǵa ruqsat etilmeıtin zattardyń bar-joǵyn baqylaý) testileýge kirip, aýdıtorııadaǵy araqashyqtyǵy saqtalǵan orynǵa otyrady. Al testileý ótkiziletin aýdıtorııa ýaqtyly jeldetilip, testilenýshilerdiń ár leginen soń tazartylýy tıis.
Pandemııa kezindegi UBT-da burynǵydaı ata-analarǵa jáne basqa da adamdarǵa UBT ótkizý pýnkterine kelýge jáne ǵımarat aýmaǵynda bolýǵa TYIYM SALYNADY. Árbir aýdıtorııada beınebaqylaý kamerasy ornatylǵan, ata-analar úshin onlaın-translıasııa qoljetimdi bolady.
Ulttyq biryńǵaı testileýdi ótkizý barysyn quramyna Sybaılas jemqorlyqqa qarsy qyzmet ókilderi men qoǵam qaıratkerleri kiretin arnaıy monıtorıng toptary baqylaıdy. 
Esterińizge sala keteıik, karantın talaptarynyń kúsheıtilýine baılanysty iri qalalardaǵy talapkerler UBT ótkizý pýnktterine arnaıy jetkiziletinin jazǵanbyz.
