27 týrda asa shıelenisti ótken básekede "Shahter" "Aleksandrııany" 3:2 esebimen utty. Osy jeńistiń arqasynda kómirshiler 71 upaıdy qorjynǵa saldy. Ekinshi orynda kele jatqan Kıevtiń "Dınamosynyń" ázirge 52 upaıy bar. Endi barlyq kezdesýdi óz paıdalaryna sheshse de, olardyń "Shahterdy" qýyp jete almaıtyny anyq.
Osylaısha, "Shahter" óz tarıhynda 13 ret el chempıony atanyp otyr. Bul joly kúmis medaldi qanaǵat tutqan "Dınamo" kúni búginge deıin 15 ret bas júldeni oljalaǵan bolatyn. Ýkraına birinshiliginde aıtýly qos komanda alma-kezek chempıondyq ataqty ıelenýde. Altyn medal tek bir ret qana ózge ujymǵa buıyrdy. Atap aıtsaq, 1992 jyly Sımferopoldiń "Tavrııasy" óz eliniń ishki dop dodasynda top jarǵan bolatyn.
