О́ńdeý jumystary adamdar kóp shoǵyrlanǵan aýmaqtardy qamtydy. Atap aıtqanda, saıabaqtar, bazar men saýda úıi mańdary. Bıologııalyq qorǵaý bólimshesiniń áskerı qyzmetshileri «Jeruıyq», Baýyrjan Momyshuly atyndaǵy jáne Tuńǵysh Prezıdent saıabaqtary men elordalyq Arbatta óńdeý jumystaryn júrgizýde.
Qalalyq ákimdiktiń ótinishi boıynsha Qarýly Kúshter jeke quram men arnaıy tehnıkanyń qajetti sanyn bóldi. О́ńdeý árbir obektide kezekpen, jeke gazsyzdandyrý jıyntyqtaryn qoldanýmen, sondaı-aq avto quıý stansııasynyń kómegimen júrgiziledi.
«Koronavırýspen kúrestiń alǵashqy kúninen bastap bizdiń áskerı qyzmetshiler elordada dezınfeksııa jumystaryn júrgizdi. Jeke quram osy mindetti oryndaý kezinde qandaı jaýapkershilik júktelgenin túsinedi. Halyqtyń densaýlyǵyna esh qaýip tóndirmeý úshin, sapaly dezınfeksııa juymstaryn júrgizý biz úshin mańyzdy bolyp tabylady», - dedi QR QK radıasııalyq, hımııalyq, bıologııalyq qorǵaý jáne ekologııalyq qaýipsizdik departamentiniń aǵa ofıseri podpolkovnık Baǵlan Andasov.
Osy demalys kúnderi Nur-Sultanda shekteý sharalary qolǵa alyndy. Atap aıtqanda, birqatar nysandardyń qyzmeti men qala boıynsha qozǵalys toqtatyldy.
Esterińizge sala keteıik, bir aı buryn sanıtarlyq-epıdemııaǵa qarsy is-sharalardy qamtamasyz etý úshin shuǵyl túrde sanıtarlyq óńdeýdiń jıyntyq otrıadtary qurylǵan bolatyn. Olar jergilikti atqarýshy organdardyń ótinimderi boıynsha elimizdiń 19 qalasyndaǵy qoǵamdyq oryndar men áleýmettik mańyzy bar obektilerdi dezınfeksııalaýdy júzege asyrady.
