"Keshe 6 512 adam testileýden ótýdi josparlaǵan. 144 talapker UBT-ǵa kelmegen. 2 talapkerde joǵary temperatýra anyqtaldy, olar UBT-ny basqa kúni tapsyrady. UBT-ǵa qatysýshylardy táýelsiz sarapshylar qadaǵalady. Ár aýdıtorııa beınebaqylaý kameralarymen jabdyqtalǵan. Qatysýshylar erejelerdi ustaný mindettemelerimen tanysyp, tyıym salynǵan zattardyń joqtyǵy týraly qujatqa qol qoıady", - delingen habarlamada.
Mınıstrliktiń habarlaýynsha, tyıym salynǵan zattardy qoldanýǵa jasalǵan áreket test nátıjelerin jaramsyz etedi, qatysýshy aýdıtorııadan shyǵarylyp, osy jyly UBT-ny qaıta tapsyra almaıdy.
Alǵashqy kúnniń qorytyndysy boıynsha: tyıym salynǵan zattardy alyp ótýge tyrysqany úshin 73 jáne erejelerdi buzǵany úshin 87 talapker, ıaǵnı 160 adam test tapsyrý múmkindiginen aıyrylǵan. Olardyń basym kópshiligi Túrkistan oblysy men Shymkent qalasynda tirkelgen.
