"82 jasqa qaraǵan shaǵynda kórnekti memleket jáne qoǵam qaıratkeri, QR UǴA akademıgi, ekonomıka ǵylymdarynyń doktory, professor, sanaly ǵumyryn qazaq eliniń ǵylym-bilim salasyn uıymdastyrý men basqarý isine arnaǵan ustaz, ǵalym Kópjacar Náribaıuly búgin bul pánıge qosh aıtyp, baqılyq mekenine attanyp ketipti", - dep jazdy Dúken Másimhanuly.
Kópjasar Náribaev - qoǵam jáne saıası qaıratker, Qazaqstannyń eńbek sińirgen ǵylym qaıratkeri, ekonomıka ǵylymdarynyń doktory, professor. Ǵalym Kópjasar Náribaev 1938 jyly 3 maýsym kúni Jambyl oblysy, Jambyl aýdany, Bektóbe aýylynda dúnıege kelgen.
1960 jyly S.M.Kırov atyndaǵy QazMÝ-niń (qazirgi QazUÝ) ekonomıka fakýltetin bitirgen. Ol Qazaq KSR joǵary jáne arnaıy orta bilim mınıstriniń orynbasary. Al 1983jyly QR joǵary jáne arnaıy orta bilim mınıstri qyzmetin atqardy. 1994 jyly ǵalym QR UǴA-nyń korrespondent-múshesi bolyp saılanady. Náribaev 1991-2001 jyldar aralyǵynda ál-Farabı atyndaǵy Qazaq ulttyq ýnıversıtettiniń rektory boldy. 2002-2006 jj. akademık K.N.Náribaev Almaty tehnologııalyq ýnıversıtetiniń prorektorlyq qyzmetin atqardy. 2006 jyldyń ortasynan K.N.Náribaev qyzmetin Bilim jáne ǵylym mınıstrliginiń ekonomıka Instıtýtyna aýystyrady. 2008 jyly Bilim jáne ǵylym mınıstrliginiń janyndaǵy respýblıkalyq bilimdi damytý Keńesiniń múshesi jáne tóraǵa orynbasary qyzmetin atqardy.
Kópjasar Náribaev - ekonomıkany basqarý salasyn joǵarǵy oqý oryndarynda uıymdastyrý jónindegi beldi ǵalym.
