Bul jańalyqty barlyq BAQ ókilderi jarysa jarııa etti. О́ıtkeni, Menaıotın qatardaǵy kóp boksshylardyń biri emes. Ol 2007 jyldan beri kásipqoı rıngte óner kórsetip júr. 2014 jyldyń kúzinde Meksıkanyń myqtysy Osvaldo Novony upaı sanymen utqan Taılandtyń tastúlegi WBC nusqasynyń altyn belbeýin ıelenedi. Sharshy alańda barlyǵy 54 kezdesý ótkizgen Vanheng Menaıotın sonyń barlyǵynda jeńiske jetti. Bul – rekordtyq kórsetkish! Tipten, ol ataǵy jer jarǵan amerıkalyq Floıd Meıvezerdiń ózin basyp ozdy. Osylaısha, onyń esimi jeńilmegen kúıi úlken sportpen qosh aıtysqan sanaýly ǵana boksshylardyń biri retinde tarıhta qalýǵa tıis edi.
Alaıda arada eki táýlik ótpeı jatyp 34 jastaǵy Taı boksshysy sharshy alańǵa qaıta oralatyny jaıynda jarııa etti. Endi ol aldaǵy ýaqytta óz ataǵyn qorǵaý úshin jekpe-jekke shyǵady. Menaıotınniń kimmen jáne qashan judyryqtasatyny ázirge belgisiz.
