Ulybrıtanııadaǵy Sage ǵylymı keńes berý tobynyń múshesi, professor Pıter Openshoý bul týraly Lordtar palatasynyń ǵylym jáne tehnologııalar jónindegi komıtetiniń osy aptada ótkizgen otyrysynda málimdedi.
"Keıde osal toptardy ekinshi top arqyly qorǵaýǵa bolady, máselen, bul ádis tumaýǵa qarsy qoldanylady", deıdi professor P.Openshoý. Onyń aıtýynsha, aýyr tumaýlarmen jıi aýyrmaıtyn balalarǵa ekpe egý arqyly olardyń ata-ájelerin tumaýdan qorǵaýǵa bolady. Sol sekildi medısına qyzmetkerlerine birinshi vaksına saldyrý qajet. Sonda dárigerler qabyldaýyna kelgen qart kisilerdi, egde emdelýshilerdi aýrýdan saqtaıdy.
UCL-diń ımmýnologııa professory ári Brıtandyq ımmýnologııa qoǵamynyń prezıdenti Arne Akbar ǵalymdardyń qart adamdardyń ımmýndyq júıesine qatysty máselelerdi sheshýi keregin aıtady. О́ıtkeni sońǵy kezde egde jastaǵy deni saý jandardyń ózinde qabyný belgileri jıi baıqalyp júr. "Bizge osy qabynýdyń qaıdan jáne neden bolatynyn bilý kerek. Qart kisilerdegi bastapqy qabyný álsizdik jáne kóptegen negatıvtiń saldarynan bolady. Jáne olar Covid-19 sekildi qaýipti ınfeksııa juqtyrǵanda, jaǵdaıdy odan saıyn ýshyqtyratyn sekildi", deıdi A.Akbar.
Onyń oıynsha, egde emdelýshilerge deksametazon sekildi qabynýdy boldyrmaıtyn jáne Covid-19-da ómirin saqtap qalatyn vaksınaǵa qosymsha taǵy bir nárse qajet.
