Qoǵam • 26 Maýsym, 2020

«Germes» jáne «Reı» synaqtan sátti ótti

27 ret kórsetildi

Halqymyzda jeti qazynanyń biri sanalatyn ıt – adamnyń dosy. Qaıratty da aqyldy janýar­dy ómirde kezdesetin túrli qıyndyqtarda adammen birge bolyp, oǵan kómek kórsetýge, qıyndyq qursaýynda qalǵan jandardy qutqarýǵa úıretý de ózindik óner.

Ábjil qımyldap kómekke jú­girýge mashyqtanǵan ıtter qyl­mys­kerdi ustaýǵa, órtten nemese jer silkinisinen keıin, ózge de apatty jaǵ­­daılar saldary­nan qıraǵan ǵı­marat­tar men úıler úıindileri astynan adamdardy ıiskep taýyp, der kezinde qutqarýǵa atsalysady. Olardy ýaqy­tymen synaqtan ótkizip, jasy men densaýlyǵyn synap-saralap otyrý da mańyzdy eken.

Mańǵystaý oblysynyń Tóten­she jaǵdaılar departamenti komıs­sııalyq quramynda Aqtaý qalasynyń kınologııalyq esebi sertıfıkattaý­dan ótkizildi. Oǵan «Germes» jáne «Reı» esimdi nemis ovcharkalary bar jedel-qutqarý jasaǵynyń eki kınologııalyq esebi qatysty.

– Kınologııa qyzmeti tótenshe jaǵdaı kezinde barynsha mańyzdy. Azamattyq qorǵaý organdarynda zardap shekken nemese joǵalǵan adamdardy izdeý jáne anyqtaý jónindegi qyzmetti qyzmettik ıttermen kınologııalyq esep júrgizedi. Izdeý-qutqarý operasııalaryna kınologııalyq izdestirý tartylatyn toptardyń sanyn azaıtýǵa, izdeý aýda­nyn jáne adamdy tabý múmkindigin arttyrýǵa múmkindik beredi. Adam men ıttiń ózara túsinistigi men úıle­simdiligi mańyzdy, óıtkeni ol qıyn­dyqtaǵy adamdy qutqarýǵa qyzmet etedi. Bul rette janýarǵa mindet – adamdardy tabý bolsa, kınologke mindet – óz janýaryn qıyn da kúrdeli, al keıde tótenshe jaǵdaılarda jumysqa úıretý, – deıdi Mańǵystaý oblystyq Tótenshe jaǵdaılar departamentiniń baspasóz hatshysy G.Hodjabekova.

Sertıfıkattaý úsh kezeńde ót­ti. Birinshi kezeń – «Tyńdaýdy já­ne eptilikti tekserý», ekinshi ke­zeń – «Tabıǵı ortada izdeý-qut­qa­rý ju­mys­tary», úshinshi kezeń – «Qı­ra­ǵan ǵımarattar men quryl­ys­tar­­dyń­ úıindileri jaǵdaıyndaǵy izdestirý-qutqarý jumystary». Barlyq tapsyrmalar naqty jaǵdaılarǵa meı­linshe jaqyndatylyp, al kı­no­logııa­lyq esepterdiń jumysyn baǵa­laýdyń negizgi ólshemderi izdes­tirý-qutqa­rý is-áreketterin júr­gizýdiń jyl­dam­dyǵy, sapasy men qaýipsizdigi boldy.

Sertıfıkattaý nátıjeleri boıynsha attestattalýshylar, ıaǵnı «Germes» jáne «Reı» synaqtan sátti ótti.

 

Mańǵystaý oblysy

 

Sońǵy jańalyqtar

Izraıl «betperdesin sheshti»

Álem • Búgin, 16:32

Ilim adamǵa ne úshin qajet?

Rýhanııat • Búgin, 16:00

Palata otyrysynyń kún tártibi bekitildi

Parlament • Búgin, 15:48

«Ýkaznoı molda»: Ol kim?

Rýhanııat • Búgin, 15:25

Prezıdent Qaırat Kelimbetovti qabyldady

Prezıdent • Búgin, 14:43

Qaraǵandyda qylmystyq top quryqtaldy

Qoǵam • Búgin, 12:59

Dollar qaıta qymbattap jatyr

Ekonomıka • Búgin, 11:44

ShQO-daǵy Shar ózeninde balyq qyrylýda

Aımaqtar • Búgin, 10:49

Shymbulaq shyńynan 6 adam qutqaryldy

Qoǵam • Búgin, 10:32

Qurttyń ishinen esirtki tabyldy

Aımaqtar • Búgin, 09:43

«Astana» kósh bastady

Sport • Búgin, 09:40

Qyzylordada aýa sapasy nasharlaıdy

Aımaqtar • Búgin, 09:22

Shekarashy sarbazdar ant qabyldady

Qazaqstan • Búgin, 09:20

Jartylaı fınalda súrindi

Tennıs • Búgin, 07:56

Uqsas jańalyqtar