Qazaqstan • 01 Shilde, 2020

Ulttyq parkterdi qoldaý qory quryldy

36 ret kórsetildi

Qazaqstanda ulttyq parkterdi qoldaý qory quryldy. Bul týraly Ekologııa, geologııa jáne tabıǵı resýrstar mınıstrligi habarlady. Qordy qurýdaǵy negizgi maqsat - órkenıetti ekotýrızmdi damytýǵa baǵyttalǵan jobalardy qoldaý, elimizdegi ulttyq parkterdi saqtaýǵa qoǵam belsendilerin jumyldyrý, - dep habarlaıdy Egemen.kz.

Bul qordyń qurylýyna bastamany almatylyq eko-belsendi Sergeı Spısyn kótergen. Ol tabıǵat janashyrlarymen birge 7-8 jyldyń kóleminde Ile Alataýy ulttyq parki men Almaty haıýanattar baǵynda birneshe áleýmettik jobalardy iske asyryp keledi. Osy aımaqty jastaıynan jetik biletin eko-belsendi úsh emdik sý qaınaryn kórkeıtip, Almatynyń mańyndaǵy, atap aıtqanda Gorelnık pen Almaarasan shatqalyndaǵy kópirdi retteýmen birge haıýanattar baǵynda gımalaılyq jáne tıanshandyq aıýlarǵa, sondaı-aq amýrlyq jolbarysqa arnalǵan qaýmaldy ornatýǵa kúsh saldy. Mesenattyń aıtýynsha, osyndaı jobalar Ulttyq parkterdi qoldaý qoryn qurý ıdeıasyna alyp kelgen.

"Álbette, osyndaı jobalardy jeke ózimejalǵastyra berýge esh qıyndyq joq. Biraq ulttyq parkter men taýlarymyz budan da aýqymdyqamqorlyqqa muqtaj. Sáıkesinshe, úlken qarajat qajet. Qazir Ile Alataýy ulttyq parkindegi ekotýrızmdi damytýǵa arnalǵan aýqymdy bastamany "Turanga Group" kompanııasymen birlesip iske asyryp jatyrmyz. Úlken Almaty shatqalynda órkenıetti demalýǵa jaǵdaı jasalmaǵan. Tipti qoqys tastaıtyn oryn joq. Bizdiń mindetimiz - qoqysty bólip jınaıtyn jerlerdi belgileý ǵana emes, álemdik tájirıbeniń negizinde júıeli oılastyrylǵan ádispen taýly jerlerde zamanaýı demalys uıymdastyrý. Aıtalyq, Úlken Almaty shatqalynda jol jıegindegi avtokólik turaqtaryna shaǵyn "qaltalar" ornatýdy josparlap otyrmyz. Osyndaı jumys "Aıýsaı" shatqalynda iske asyryldy. Onyń balamasyn Eýropadan kórgen edik. Búginde halyq ormannyń ishine kólikpen kirip jatyr. Kólikter jol jıeginde qalǵany durys dep esepteımiz. Ashyq alańqaılarǵa tabıǵattaǵy serýenge arnalǵan shaǵyn ústelder, shaǵyn mangaldar ornatqymyz keledi. Olardyń bári nómirlenip, turǵyndar men týrısterge burynǵydaı tegin bolyp qalady. Bul ulttyq parktegi týrızmdi jaqsartýǵa, órkenıetti demalysqa jaǵdaı jasaıdy", deıdi S.Spısyn.

Qoǵam belsendisi ınvestorlarmen birigip, jaqyn jyldary qoǵamnyń ulttyq parkterdegi qatysty kózqarasyn túbegeıli ózgertýdi kózdeıtinin aıtady. Qanatqaqty jobany iske asyrý arqyly, bastamashyl top memleketpen birlesip, qorshaǵan ortany saqtaýdan bólek ekotýrızmdi damytýdyń aýqymdy jobalaryn júzege asyrýǵa daıyn ekenderin bildirdi.

"Bolashaqta barlyq salynǵan qarajattyń esebin berýge daıynbyz. Belgili blogerler men eko-belendilerdi qordy baqylaý keńesine kirýge shaqyramyz. Shet memleketterdegi ulttyq parkterde bolǵanda, demalý mádenıetiniń qanshalyqty joǵary deńgeıde ekenin baıqadym. Bizdiń elde olardan kem emes", dedi almatylyq azamat.

Bıyl Ekologııa, geologııa jáne tabıǵı resýrstar mınıstrligi Mádenıet jáne sport mınıstrliginiń qoldaýymen Qazaqstandaǵy ulttyq parkterdeekotýrızmdi damytý jobasyn iske asyrýdy bastady. Osyǵan baılanysty tenderge alǵashqy bolyp Ile Alataý parki qoıyldy. Salalyq mınıstrliktiń aqparatyna sáıkes, atalǵan parktegi ekotýrızmdi damytý boıynsha baıqaýdy Aleksandr Gýjavın basqaratyn "Turanga Group" kompanııasy jeńip aldy. Ol 4 jyl ishinde bul jobaǵa 12 mlrd teńge salýdy josparlap otyr. Nátıjesinde, osy aýmaqta tegin ájethana, jaıaý júrginshilerge arnalǵan jaıly joldar, parktegi ádepti ustanýǵa baılanysty tolyq aqparatpen qamtıtyn týrısterdiń saparlaý ortalyǵyn salý syndy jaǵdaı qarastyrylmaq.                    

Sońǵy jańalyqtar

Ulttyq bolmysty bederlegen

Qoǵam • Keshe

Esimnen ketpes eki etıýd

Rýhanııat • Keshe

Besinshi element

О́ner • Keshe

Aqadyrdyń aqjoltaıy

Sport • Keshe

Qara qazanda qasıet bar

О́ner • Keshe

Uqsas jańalyqtar