Beıneklıpte elimizge tanymal ónerpazdar Jetisýdyń ásem jerlerinde Nurǵısa Tilendıevtiń kúıin naqyshyna keltire oryndaǵan. Aıta keterligi, uıymdastyrýshylar beınebaıan túsirýge elimizdegi tanymal kúıshi-sazgerlerdi shaqyrypty.
Máselen, kúıshi, "Ulytaý" tobynyń eks-solısi - Erjan Esirkepuly, Jambyl atyndaǵy Qazaq Memlekettik Fılarmonııasynyń solısi, kúıshi, Qazaqstannyń eńbek sińirgen qaıratkeri - Nurken Áshirov, Q.Baıseıitov atyndaǵy saz kolledjiniń ustazy, kúıshi, sazger - Rústem Naýryzov, ánshi, sazger - Ushqyn Jamalbekti de beınebaıannan baıqaýǵa bolady.
"Atalmysh joba tól ónerimizdi nasıhattaýdaǵy biregeı bastama. Jetisý jeriniń darabozy, ataqty kúıshi Nurǵısa Tilendıevtiń rýhyna taǵzym, ultymyzdyń ulttyq aspaby - qasıetti dombyraǵa degen taǵzym", - deıdi Almaty oblysy jastar saıasaty basqarmasynyń basshysy Jomart Qaratas.
