Jambyl oblysynda qonaqta araqqa sylqııa toıyp alǵan deneshynyqtyrý pániniń muǵalimi úıine kelgesin lań salyp, áıelin uryp óltirdi. Bul týraly KTK telearnasy málim etti.
Jambyl oblysynda qonaqta araqqa sylqııa toıyp alǵan deneshynyqtyrý pániniń muǵalimi úıine kelgesin lań salyp, áıelin uryp óltirdi. Bul týraly KTK telearnasy málim etti.
Qandy oqıǵa oblystyń Talas aýdanyndaǵy Aqkól aýylynda bolǵan. Erli-zaıyptylar sol kúni Taraz qalasynda bir toıǵa barady. Ol jerde ne bolǵanyn kim bilsin, biraq olar túndeletip úılerine qaıtyp kelgende, aralarynda daýasyz daý týyp ketedi. Shamasy, kúıeýi kelinshegin áldekimnen qyzǵanǵanǵa uqsaıdy. Tez basyla qoımaǵan bul urys-keristiń qyzǵan shaǵynda aýyl mektebinde oqýshy balalardy jattyqtyryp júrgen muǵalim kezekti eki qolǵa beredi. Osy qatty tıgen soqqylar jas kelinshekti birden taldyryp túsirse kerek, kóp uzamaı onyń daýsy shyqpaı qalady. Osylaısha 24 jastaǵy kelinshek jatqan orynan tura almaǵan.
Qazir onyń úsh qabyrǵasy synyp, mıyna qan quıylǵany aıtylyp jatyr. Al sharýasyn tyndyrǵan boıda qoryldap uıyqtap ketken gúrzi judyryqty «fızkýltýrashy» muǵalim kelinsheginiń keshikpeı o dúnıege attanyp ketkenin erteńinde bir-aq baıqapty.
«Adal jaryna aıýandyq jasaǵan 30 jastaǵy azamat qazir qamaýǵa alyndy», – dep túıindeıdi arna tilshisi.
Murat AITQOJA.
