Aımaqtar • 07 Shilde, 2020

Jeńis Qasymbek: Jaǵdaı baqylaýda, alańdaýǵa negiz joq

191 ret kórsetildi

Búgin Qaraǵandy oblysynyń ákimi Jeńis Qasymbek jergilikti Saryarqa telearnasynyń tikeleı efırinde ótken brıfıngte óńirdegi epıdemıologııalyq jaǵdaıǵa sholý jasap, keıbir máselelerge qatysty týyndaǵan suraqtarǵa egjeı-tegjeıli jaýap berdi, – dep jazady Egemen.kz.

Qazirgi ýaqytta oblys boıynsha barlyǵy 20 ınfeksııalyq beıindegi medısınalyq nysan jáne 14 pýlmoprovızorlyq gospıtal jumys istep tur eken. О́ńirdegi aýrýhanalarda tósek sany 4 200 orynǵa kóbeıtilgen.

Oblys ákimi ınfeksııalyq bólimshelerdegi júkteme 81%, al provızorlyq bólimshelerdegi júkteme 79% quraıtynyn málim etti.

"Mysaly, Qaraǵandy boıynsha búgingi kúni juqpaly aýrýlar stasıonarlarynda 1 264 tósek bar, onyń 141-i bos. Provızorlyq stasıonarlarda barlyǵy 720 tósek, bos 118 tósek bar. Degenmen, biz juqpaly jáne pýlmoprovızorlyq tósek sanyn arttyrý boıynsha sharalar qabyldaımyz", – dedi óńir basshysy.

Sondaı-aq, ol Qaraǵandyda 350 oryndyq pýlmoprovızorlyq gospıtaldiń ashylýǵa daıyn ekenin, onyń kompıýterlik tomografpen jáne tynys alý jetkiliksizdigi bar naýqastardy emdeýge qajetti medısınalyq gaz berýdiń zamanaýı júıesimen jabdyqtalǵanyn aıtty.

Aldaǵy ýaqytta Jezqazǵanda 350 oryndyq provızorlyq stasıonar jumys isteı bastaıdy. Sondaı-aq, munda 250 tósekke shaqtalǵan ınfeksııalyq gospıtal paıdalanýǵa beriledi. Balqash qalasynda 100 tósektik pýlmoprovızorlyq stasıonar ashylmaqshy.

Oblystaǵy basym baǵyttaǵy sharýalardyń biri aýrýhanalar men gospıtaldardy tehnıkalyq jabdyqtaý ekenin atap ótti óńir basshysy. Sońǵy aptada 47 О́JJ apparaty, árqaısysy eki pasıentke arnalǵan 160 ottegi konsentraty jáne 146 pýlsoksımetr satyp alynǵan. Aldaǵy ýaqytta qosymsha 80 О́JJ apparatyn jáne 1 200 ottegi konsentratorlaryn, 500 pýlsoksımetrlerdi, 16 sandyq rentgen-apparatty, 3 dana ortalyqtandyrylǵan medısınalyq gazdarmen qamtamasyz etý júıesin jáne basqalaryn satyp alý josparda bar eken.

Qaraǵandy men Jezqazǵan qalalarynda táýligine 3 myń taldaý shyǵaratyn úsh PTR-zerthana jumys ister tur. Osy aptanyń aıaǵynda Temirtaýda PTR-zerthana jumysyn bastaıdy, al Balqashta ol tamyz aıynda ashylady.

Oblysta 16 kompıýterlik tomografııa kabıneti bar. Taıaý arada  Qaraǵandyda taǵy bir kompıýterlik tomograf ornatylady. Jalpy, óńirde qazan aıyna qaraı barlyǵy 21 kompıýterlik tomografııa kabıneti jumys isteıtin bolady dep sendirdi oblys basshysy.

Brıfıng barysynda oblys ákimi qazirgi ýaqytta messendjerler men áleýmettik jelilerde aýrýlardy halyq emimen jáne basqa da balamaly ádistermen emdeý boıynsha kóptegen dáıeksiz aqparattardyń taratylyp júrgenin synǵa aldy.

– Aıta ketý kerek, aýyr aýrýlardy emdeýmen, antıbıotıkterdi taǵaıyndaýmen tek dárigerler ǵana aınalysa alady. О́zin-ózi emdeý ólimge deıin ákelýi ábden múmkin, – dep eskertti óńir basshysy.

1

Sondaı-aq, tikeleı efır barysynda Jeńis Qasymbek oblystaǵy dári-dármekke qatysty týyndaǵan máselelerge de keńinen toqtaldy. Bólshek dárihana jelilerine jaqyn arada dári-dármektiń iri partııalary jetkiziletin bolypty. Qoımalarǵa ıngavırınniń 10 myń, azıtromısınniń 15 myń oramasy jáne seftrıakson kelip túskenin aıtty. Arpeflıý dárisi de jetkiziledi dep kútilýde. Jaqyn arada parasetamoldyń 190 myń oramasy oblystyń dárihanalyq jelisine jóneltiletin kórinedi.

Jeńis Qasymbek dári-dármektiń baǵasyn ósirip satatyndardyń barlyǵyn qatań jaza kútetinin málimdedi.

"Dári-dármekti joǵary baǵamen satý – bul adamgershilikke jatpaıtyn qylyq. Biz dárihanalarda dárilik zattar men medısınalyq buıymdardyń bolýyn anyqtaý boıynsha monıtorıngtik toptar qurdyq. Eger dári-dármekti dárihanadan tys satý faktileri anyqtalsa, polısııaǵa júgine alasyzdar",degen óńir basshysy qazirdiń ózinde mundaı uıatsyz ispen aınalysyp, ustalǵandardyń bar ekenin tilge tıek etti.

Tikeleı efırde oblys basshysy jerleý qyzmetterine qatysty máseleler týraly da sóz qozǵady.

"Oblys ortalyǵynda jerleý qyzmetteriniń quny 150 myń teńge. Karantınge deıin de osyndaı baǵa bolǵan. О́tken aptada bul másele talqylandy. Qaraǵandyda "KVI" dıagnozymen jerleý qyzmetin tek "Patologoanatomııalyq ortalyq plıýs" JShS kórsetedi. Fırma basshylyǵymen qala boıynsha baǵany 150 myń teńge, oblys boıynsha barlyq aýdandarǵa jetkizýdi qosa eseptegende 200 myń teńgege deıingi shamada qaldyrýǵa ýaǵdalastyq", – dedi ol.

Jalpy, oblys ákimi jerleý qyzmeti salasyndabaǵany jónsiz ósirip, paıdakúnemdikpen aınalysýdyń adamgershilikke jatpaıtyn is ekenin jáne mundaı abyroısyz áreketter anyqtalar bolsa, qatań sharalar qoldanylatynyn aıtty.

Sonymen qatar, brıfıngte óńir basshysy Qaraǵandy oblysynyń azyq-túlik qoımalarynda jáne turaqtandyrý qorynda 57 myń tonnadan astam áleýmettik mańyzy bar azyq-túlik qory bar ekenin, jalpy taýarlardy jetkizý barasynda eshqandaı irkilistiń joqtyǵyn málimdedi.

Brıfıngte dál qazirgi kúrdeli jaǵdaıda bıznesti qoldaý boıynsha da birshama máseleler týyndaǵanyn aıtty óńir basshysy. Jetkilikti qory joq shaǵyn kásiporyndar naryqtan ketýge májbúr bolyp jatyr. О́ndiristik baılanystar úzilip,  jumyssyzdyqtyń ósý qaýpiyndaǵan.

"Sondyqtan bizdiń basty mindetimiz –jaǵdaıdy turaqtandyrý jáne daǵdarystan tezirek shyǵýǵa baǵyttalǵan barlyq sharalardy qabyldaý", dep atap ótti oblys ákimi.

Mysaly, qazirgi ýaqytta memlekettik baǵdarlamalar arqyly 31,4 mlrd teńge ınvestısııa somasyna 830 bıznes-jobaǵa qoldaý kórsetilgen. Jalpy, bıyl 8 myńǵa jýyq jumys ornyn asha otyryp, 2 500 jobaǵa qoldaý kórsetý josparlanǵan eken.

Budan bólek, daǵdarysqa qarsy is-sharalar aıasynda bıznes-úderisterdi turaqtandyrý maqsatynda Qaraǵandy oblysynyń 30 myńnan astam sýbektisiniń salyqtar, ekinshi deńgeıli bankterdiń nesıeleri, jaldaý aqysy jáne kommýnaldyq ótemaqy boıynsha tólemderi keıinge qaldyrylypty.

Tikeleı efırde ótken brıfıngtiń sońynda Jeńis Qasymbek oblystaǵy jalpy jaǵdaıdyń udaıy baqylaýda ekenin jáne qandaı da bir alańdaýshylyqqa esh negizdiń joqtyǵyn senimdi túrde málimdedi.

Sońǵy jańalyqtar

Italııada toǵyz júlde aldyq

Sport • Búgin, 10:10

«Barys» utylyp qaldy

Sport • Keshe

Eldos Smetov kúmis aldy

Sport • Keshe

«Qaırat» – qola júldeger

Aımaqtar • Keshe

Kóktemdegi UBT 10-naýryzda bastalady

Bilim • 05 Naýryz, 2021

Almatyda «Jyl qusy-2021» kórmesi bastaldy

О́ner • 05 Naýryz, 2021

Ár sala úzdikterine qurmet tanytty

Aımaqtar • 05 Naýryz, 2021

Almaty taýlarynda qar kóshkini júredi

Ekologııa • 05 Naýryz, 2021

Baǵdat Mýsın Shymkentke bardy

Aımaqtar • 05 Naýryz, 2021

Almatyda gashısh satqan azamat ustaldy

Qoǵam • 05 Naýryz, 2021

Uqsas jańalyqtar