Mynaý indet te álemge dál sondaı úreı shashyp tur. Qazir jer shary bastan keship otyrǵan jaǵdaı bizdiń eldi de jaılady. Osyndaı aýyr kezeńde jaýapty degen keıbir sheneýnikterdiń jaýapsyzdyǵy indetti odan saıyn asqyndyrdy. Otanshyldyq degen osyndaıda kórinedi ǵoı.
Qarapaıym halyqtyń ishinen shyqqan isker adamdar ózderi uıymdastyryp, qınalyp jatqandarǵa qol ushyn berip jatyr, dári-dármegin shet elderden aldyrtyp jatyr. Sondaı jandardyń qyzmeti eselep qaıtsyn dep tileımiz.
QR Prezıdenti Q.K.Toqaev ár mınıstrlikke qatań tapsyrmalar berip, qatal talaptar qoıdy. Sol tapsyrmalar óz dárejesinde oryndalsa eken dep tilep otyrmyz endi.
О́kinishtisi – qazaqtyń talaı arystaı azamattary qurban boldy. Endigi amal ne bolmaq? Árıne, eńseni túsirip otyra berý emes. Úreıge boı aldyrmaı, syrqattanyp jatqan adamdarǵa jiger berip, bala-shaǵanyń kózinshe ólim týraly áńgime aıta bermeı, árkim óz oshaǵynda barlyq saqtyq sharalaryn jasaýy kerek dep oılaımyn.
Jaýapty mekemeler men sheneýnikter «búgin dári keldi, erteń taratamyz» degen sııaqty jaıbasarlyq áńgime aıtpaı, "qazir keldi, qazir taratamyz" dep sóıleıtindeı jedeldikpen jumys istese eken. Táýliktiń ár mınýty talaı adamdy alyp ketip jatqanda "erteń" degen sóz bolmaý kerek.
Azaly otbasylaryna qaıǵyryp kóńil aıtamyz. Qazaq "artynyń qaıyry bolsyn" dep artynyń qaıyryn suraıdy. Ár otbasynda amanshylyq bolsyn! Syrqattanyp jatqandarǵa jeńildigin bersin!
Ońaıgúl Turjan
