• 15 Qazan, 2013

Fýtbol: Irlandııa – Qazaqstan 3:1

443 ret

kórsetildi

4 mın

oqý úshin

Egemen Qazaqstan

Búgin, qazannyń 15-inen 16-syna qaraǵan túni Dýblınde Qazaqstan quramasy Irlandııa komandasymen 2014 jylǵy álem chempıonaty irikteý týrnıriniń qorytyndy matchyn ótkizdi. Oıyn Irlandııa quramasynyń jeńisimen aıaqtaldy. Esep – 3:1. Komandalar myna quramdarda oınady: Irlandııa – Devıd Ford, Sımýs Koýlmen, Mark Ýılson, Djon O’Shı, Djeıms Makkartı, Robbı Kın, Entonı Stoýks (Ýes Hýlahan, 87), Darron Gıbson (Grın Ýılan, 37), Rıchard Dann, Endı Rıd (Eıden Makgıdı, 75), Kevın Doıl. Qazaqstan - Andreı Sıdelnıkov, Mark Gýrman, Andreı Karpovıch (Pavel Shabalın, 84), Aleksandr Kıslısyn (Andreı Fınonchenko, 32), Vıktor Dmıtrenko, Alekseı Shetkın (Igor Iýrın, 61), Konstantın Engel, Maqsat Baıjanov, Dmıtrıı Shomko, Sergeı Hıjnıchenko, Valerıı Korobkın. Match birshama jaıbaraqat bastaldy. Onyń 7-mınýtyna deıin qarsylastar bir-birleriniń qaqpalaryna pálendeı qaýip tóndire alǵan joq. Shamamen 10-mınýtqa qaraı alań ıeleri Andreı Sıdelnıkov qorǵaǵan qaqpaǵa birinshi týra soqqy jasady. Atap aıtqanda, Endı Rıdtiń basymen urǵan dobyn bizdiń golkıper op-ońaı qaǵyp aldy. Sodan soń ırlandııalyqtar qaqpasy aldynda da sondaı sát týdy. Biraq Maqsat Baıjanovtyń aıaǵynan ushqan dop baǵannan bıik ketti. Arada bar-joǵy úsh mınýt ótkende qazaqstandyqtar taǵy da joryqqa shyqty. О́zine týra kelip qalǵan dopty bizdiń Dmıtrıı Shomko toqtatpastan urdy. Gol! Dop zyrlaǵan boıda joldan esh kedergi kórmeı, jibek tordyń baýlaryn silkip baryp, qulap tústi. О́kinishke oraı, taǵy bir úsh mınýttan keıin bizdiń jigitter taqyr jerde súrindi. Dáliregi, Aleksandr Kıslısyn óz aıyp alańy ishinde dopty qolymen ustaı aldy. Sosyn latvııalyq tóreshi Vladımır Dırektorenko oılanbastan, núkteni nusqady. Penaltıdi Robın Kın teýip, dopty qaqpanyń tórinen bir-aq shyǵardy. Sosyn oıyn taǵy da qalypty aqyryn aǵymǵa tústi. Biraq dop kóbine alań ıelerinen shyqpaı tur. Kenet, 26 mınýtta olar kútpegen jerden taǵy bir gol soǵyp ketti. Aldymen Rıchard Dann soqqy jasady. Ony Sıdelnıkov qaıtardy. Biraq dop shabýylshy O'Shı Djon aıaǵyna dóp kele qaldy. Mundaı qolaıly sátti ırland fýtbolshysy qur jibergen joq. Budan keıin eki jaq ta oıynshylar almastyrdy. Áýeli Kıslısynnyń ornyna Andreı Fınonchenko shyqty. Arada 5 mınýtty ótkizip, 37-mınýtta alań ıelerinen Ýılannyń ornyn Gıbson basty. Ekinshi taım da jaıbaraqat órbip jatty. Qarsylastar bir-birin kópke deıin aıryqsha bir mazalaı qoımady. Tek eki jaqtan bir-bir soqqy jasalǵany ǵana este qaldy. Bizden Shetkındi Iýrın almastyrdy. Jańaǵy soqqynyń birin de sol oryndady. Shamamen, taımnyń ortasyna qaraı qazaqstandyqtar alǵa umtylyp kórdi. Olar jyldam oınamaqshy bolyp biraz talaptandy. Alaıda, odan pálendeı jaqsy nátıje shyǵara almady. Kenet kútpegen jaǵdaı oryn aldy. Kezdesýdiń 78-mınýtynda osy oıynda esep ashqan Shomko óz qaqpasyna gol salyp aldy. Avtogol! Esep – 1:3. Rýslan Igilik. Taǵy mynadaı oıyndardyń nátıjeleri belgili: Ázerbaıjan – Reseı 1:1 Portýgalııa – Lıýksembýrg 3:0 Lıtva – Bosnııa jáne Gersogovına 0:1 Grekııa – Lıhtenshteın 2:0 Kıpr – Albanııa 0:0 Izraıl – Soltústik Irlanldııa 1:1 Shveısarııa – Slovenııa 1:0 Norvegııa – Islandııa 1:1 Vengrııa – Andorra 2:0 Túrkııa – Gollandııa 0:2 Rýmynııa – Estonııa 2:0 Latvııa – Slovakııa 2:2 Anglııa – Polsha 1:0 San-Marıno – Ýkraına 0:8 Sýretti túsirgen Ánýar Abdrahmanov.