Shahar basshysy eń aldymen Aqsýat aýyldyq okrýginde "Aýyl – el besigi" baǵdarlamasy aıasynda júzege asyp jatqan №143 orta mekteptiń kúrdeli jóndeý jumystarynyń sapasyn tekserdi. 1982 jyly salynǵan mektep araǵa 38 jyl salyp kúrdeli jóndeýden ótýde. Nysanda aýyldyń jumyssyz júrgen 40 azamaty jumyspen qamtylǵan. Qala ákimi ishki jumystarda olqylyqtardy anyqtap, kelisim shartty qaıta zerdeleýdi jaýapty sala basshylaryna tapsyrdy.
Munan keıin qala ákimi aýyl ortalaǵynda ornalasyp, Ú.Toqmaǵambetova kóshesindegi asfalt tóseý jumystaryn kórdi.
Bıyl Aqsýatta 16 kóshe "Aýyl – el besigi»respýblıkalyq baǵdarlamasy boıynsha ortashajóndeýden ótip, onyń 7 kóshesine asfalt salynsa, qalǵan 9 kóshege qıyrshyq tas tóseledi. Munan bólek taǵy bir kóshege qıyrshyq tas tóseý jumystary "О́ńirlerdi damytýdyń 2020-2025 jyldarǵa deıingi baǵdarlamasy" sheńberinde júzege asýda. Al jergilikti bıýdjet esebinen 1 kóshege tas tóseý jáne turǵyndar úshin aýyl ortalyǵyna sporttyq kóshe trenajerin ornatýǵa qarjy bólingen. Sonymen qatar ótken jyly kúrdeli jóndeýden ótken "Asyl-Aı" balabaqshasyna qajetti jabdyqtar alýǵa oblystyq bıýdjetten qarjy qaralyp, jumystar júrgizilýde.
Qalaǵa qarasty iri eldimekenniń biri Aqjarma aýyldyq okrýginde bıyl jol máselesi tolyǵymen sheshiledi. Aýldaǵy Toǵaı kóshesinde buǵan deıin asfalt bolmaǵan. Mundaǵy jol jóndeý jumystaryn shahar basshysy ózi arnaıy tekserip, qalǵan eki-úsh kósheniń qurylysyn osy jyly aıaqtaýdy sala basshylaryna nyqtap tapsyrdy. Aýyl ortalyǵynda budan bólek jergilikti bıýdjetten sporttyq kóshe trenajerin, jaryq baǵanalaryn ornatýǵa qarjy bólingen. Qazir aýyldyq okrýgte 6 kóshege, onyń ishinde jergilikti bıýdjet esebinen 1, "Jumyspen qamtý jol kartasy" baǵdarlamasyna saı 5 kóshege ortasha jóndeý jumystary júrgizilýde.
Osy kúni qala irgesindegi Naýryz saıajaıynda sý jınaý qoımasynyń qurylysy aıaqtalyp, turǵyndar tolyq sý júıesine qosyldy. "О́ńirlerdi damytý –2020" baǵdarlamasy aıasynda júzege asqan aýyz sý jınaý qoımasyn "Melıorator" seriktestigi saldy.
Qazir "Jumyspen qamtý jol kartasy" baǵdarlamasy aıasynda qala boıynsha 1850 adam jumyspen qamtylǵan. Onyń 1271-i jumyspen qamtý ortalyǵy arqyly joldanǵan azamattar.
