Asfendııarov atyndaǵy Medýnıversıtettiń Farmasııa mektebiniń zertteý tobyndaǵy stýdentter Nazarbaev dańǵyly, 91/97 №2 dárihanaǵa; Áýezov kóshesi, 175; Pýshkın kóshesi, 13; Panfılov kóshesi, 20 mekenjaılarda ornalasqan qaladaǵy iri dárihanalarǵa kelýshiler arasynda da saýalnama júrgizdi.
Saýalnamaǵa qatysqandardyń jastary 20-55 jáne 56-dan joǵary jastaǵylar, ıaǵnı respondentterdiń 14%-y. Olardyń 81 paıyzy nemese 99 adam qala turǵyny, 19 paıyzy nemese 23 adam - syrttan kelgender.
Zertteý tobynyń basshysy, Asfendııarov atyndaǵy Medýnıversıtettiń Farmasııa mektebiniń dekany Zýrııad Sakıpovanyń habarlaýynsha, atalǵan saýalnamany Taýarlar men kórsetiletin qyzmetterdiń sapasy men qyzmetin baqylaý Departamentiniń mamandary ázirlegen.
Saýalnamany júrgizgen stýdent-volonterler jurtshylyqpen jumys isteý barysynda sanıtarlyq qaýipsizdik normalaryn saqtaý boıynsha arnaıy daıyndyqtan ótken.
"Dárini sizge kim taǵaıyndady?" degen saýalǵa 66 adam «dáriger» dep jaýap bergen, bular saýalnamaǵa qatysqandardyń 54 paıyzy. Al 29 adam nemese olardyń 24 paıyzy ózin- ózi emdeıtinin aıtqan. Taǵy 10 paıyzy, ıaǵnı 12 adam Internetke júginedi eken, qalǵan 15 adam nemese 12 paıyzy jaýap berýge qınalǵan nemese túrli syltaýlar aıtqan.
Mańyzdy saýaldyń biri – dárini resept arqyly alý. Respondentterdiń 45 paıyzy (55 adam) reseptteri bar ekenin rastady, 55 paıyzy nemese 67 adam dárini reseptsiz alǵan. Dárilerdiń emi jóninde túrli pikirler aıtyldy. JRVI- ǵa qatysty dárilerdi saýalnamaǵa qatysqandardyń 33 paıyzy nemese 40 adam, ókpeniń qabynýyn (pnevmonııany) emdeıtin dárilerdi 23 paıyzy (28 adam), COVID-19-dan emdelý úshin 12 paıyzy (15 adam), basqa aýrýdan emdelý úshin 32 paıyzy nemese 39 adam alǵan.
Dárihanalar klıentteriniń 54,1 paıyzy nemese 66 adam dári-dármekterdi ózderi úshin alǵanyn, al 38,5 aıyzy nemes 47 adam ózgeler úshin alǵandaryn aıtty. О́zge aımaqqa jiberý úshin - 6,6% nemese 8 adam. Bir adam "dáriniń qoryn" jasaý úshin alatynyn jasyrmady.
Almaty qalasynyń Taýarlar men kórsetiletin qyzmetterdiń sapasy men qyzmetin baqylaý Departamenti tek dárigerdiń nusqaýlaryn oryndaýdy, ózin-ózi emdeýmen aınalyspaýdy, Internettegi jáne resmı emes derek kózderindegi keńesterge júginbeýdi eske salady.
Antıbıotıkter men vırýsqa qarsy preparattardy bakterıaldyq nemese vırýstyq ınfeksııa boıynsha tek klınıkalyq jáne laboratorııalyq málimetter negizinde dáriger ǵana berýi tıis.
