Shymkentte medısınalyq kómekke júginetin naýqastar sanynyń azaıýyna baılanysty sport kesheninde jasaqtalǵan 360 oryndyq kúndizgi stasıonar jabyldy.
Ortalyq pnevmonııa derti asqynǵan kezeńde eki aptadaı jumys istedi. Alǵashqy kúnderi osynda 500-den 700-ge deıin naýqas em aldy.
Turǵyndar kúndizgi stasıonarda tegin dári-dármekpen qamtylyp, ekpe saldyrdy. Naýqastarǵa 10 dáriger men 40-tan astam medbıke kómek kórsetti. Sońǵy bes kún ishinde ortalyqqa nebári 25 adam kelgen. Iаǵnı ár emhanadan eki-úsh emdelýshi ǵana kelip, em-dom qabyldaǵan.
Búginde sport kesheninde tıisti dezınfeksııalyq tazartý jumystary júrgizilip, ondaǵy birqatar jabdyqtar emhanalarǵa berildi.
Aıta keteıik, jumys kestesine sáıkes kúnine saǵat 08:00-20:00 aralyǵynda qalanyń barlyq emhanalarynan kelgen 50-den astam medısına qyzmetkerleri medısınalyq kómek kórsetti.
