– Álemdi alańdatqan pandemııaǵa baılanysty memleket tarapynan aýqymdy uıymdastyrý sharalary júrgizilýde. Barlyq emhana, dárihanalardy dári-dármekpen, jeke qorǵanysh quraldarymen qamtamasyz etý jumystary iske asyp jatyr. Qazir oblystaǵy emhanalar men aýrýhanalarda jeke qorǵanysh quralary men dári-dármek qory jetkilikti. Gýmanıtarlyq kómektiń úlken saıası máni bar. Jýyrda kórshiles Qytaıdan kelse, endi tarıhymyz, tamyrymyz úzilmegen О́zbekstannan kelýde. Qaı kezde de qıyndyq eldi qıystyrady. Talasqannan emes, jarasqannan birigemiz. Sondyqtan mundaı ýaqytta árqaısymyz birige otyryp, indetti jeńip shyǵamyz, – dedi oblys ákiminiń orynbasary Naýryzbaı Baıqadamov.
Shetelden kelgen kómektiń emdeý nysandaryna durys jetkizilýi de qatań baqylanýda.
– Gýmanıtarlyq kómek dittegen maqsatyna jetýi kerek. Halyqtyń densaýlyǵy úshin dostyq memleketterdiń kómegine rızashylyq bildiremiz. Tıisti mekemelerge jetýin qadaǵalaýdy aıaǵyna deıin júzege asyratyn bolamyz, – dedi QR Sybaılas jemqorlyqqa qarsy is-qımyl agenttiginiń Qyzylorda oblysy boıynsha departamenti basshysynyń birinshi orynbasary Baqytjan Nııazov.
