Kelisim boıynsha 193 úıdiń barlyǵyna I transh boıynsha 17 mıllıon teńgeniń 50%-y aýdarylyp, turǵyndar úıleriniń qurylysyn qarqyndy júrgizip jatyr. Sondaı-aq, 7 turǵyn úıge II transh boıynsha taǵy 25% qarjy aýdarylyp, atalǵan úılerge ishki árleý jumystary júrgizilip jatyr.
Qazir 188 úıdiń irgetasy qalanyp, 105 úıdiń qabyrǵasy órilgen. Sonymen qatar, 43 úıdiń shatyry jabylǵan. Osy ýaqytqa deıin aýylda 190 úıge buzý jumystary jasalypty.
Jalpy eldimekende 694 qurylysshy 60 ujymǵa birigip, qurylys jumystaryn qarqyndy júrgizýde. Buǵan deıin О́zbekstan Respýblıkasy tarapynan órgebastyqtarǵa 3 ekskavator, 1 kamaz ben 30 adam kómekke kelgen edi.
Aıta keteıik, О́rgebas aýyly 1971 jyly qurylǵan. Aýmaǵy 1256 gektardy, onyń ishinde egistik jerdiń kólemi 1203 gektardy quraıdy. 1451 turǵyn turady.
Aýylda 1 mektep, 2 balabaqsha, 1 medısına pýnkti men 1 polısııa pýnkti bar. Sonymen qatar, 155 sharýa qojalyǵy, 1 mal bordaqylaý alańy, 3 saýda núktesi men 1 jaýapkershiligi shekteýli seriktestik jumys isteıdi.
