Qazaqstan • 21 Shilde, 2020

Kelesi oqý jylynan bastap "Álippe" men "Ana tilin" oqytylady

911 ret kórsetildi

2021 oqý jylynda birinshi synyp oqýshylary "Saýat ashý" pániniń ornyna "Álippe" men "Ana tilin" oqıtyn bolady. Bul týraly Bilim jáne ǵylym mınıstri ashat Aımaǵambetov jazdy,- dep habarlaıdy Egemen.kz

"Álippe boıynsha. Jaqynda Memlekettik jalpyǵa mindetti standartqa ózgerister engizilip, Ádilet mınıstrliginde tirkeýden ótti.

Ondaǵy mańyzdy jańalyqtardyń biri –kelesi 2021 oqý jylynda birinshi synyp oqýshylary "Saýat ashý" pániniń ornyna "Álippe" men "Ana tilin" oqıtyn bolady.

Birinshi synyp oqýshylary oqý jylynyń bastapqy eki toqsanynda "Álippeniń" baǵdarlamasyn oqysa, qalǵan eki toqsanda "Ana tili" pánin oqıdy.

Sáıkesinshe, orys tilinde nemese basqa tilderde bilim alatyn synyptarda "Býkvar" men "Obýchenıe gramote" pánderi júrgiziledi.
Aıta keteıin, "Álippe" Ahmet Baıtursynulynyń ádistemesi negizinde daıyndalady.

Qazirgi kezde oqýlyqtardy ázirleý boıynsha úlken jumys júrgizilip jatyr. Biryńǵaı baǵdarlama jasaýmen aınalysatyn jumys tobyn qurdyq.

Onyń quramynda myqty til mamandary, ádiskerler, bastaýysh synyp muǵalimderi men buǵan deıin oqytylǵan "Álippe" oqýlyqtarynyń avtorlary bar. Orynbasarym Sholpan Karınova osy jumys tobynyń alǵashqy otyrysyn ótkizip te úlgerdi.

Baǵdarlamalar men oqýlyqtar daıyn bolǵannan keıin olardy pılottyq mektepterde synaqtan ótkizemiz dep josparlap otyrmyz. Keıin basqa mektepterge jiberiletin bolady. Bul másele meniń jiti baqylaýymda" , dep jazdy mınıstr Ashat Aımaǵambetov.

Sońǵy jańalyqtar

Ekibastuz qalasynyń ákimi taǵaıyndaldy

Taǵaıyndaý • Búgin, 16:42

Mal dárigerleriniń jalaqysy ósedi

Qazaqstan • Búgin, 16:27

Dollar qymbattady

Ekonomıka • Búgin, 16:15

Elordada Astana Open týrnıri ótedi

Tennıs • Búgin, 14:01

Kúzde aýa raıy qandaı bolady

Aýa raıy • Búgin, 13:33

Ulttyq qorǵa 3,4 trln teńge tústi

Qarjy • Búgin, 12:54

Uqsas jańalyqtar