Bilim • 21 Shilde, 2020

Elimizde qandaı mamandyqtarǵa qansha grant bólindi

241 ret kórsetildi

Elimiz boıynsha maýsym aıynda UBT tapsyrǵan jáne shekti ball jınaǵan talapkerlerden memlekettik bilim grantyn taǵaıyndaý konkýrsyna qatysý úshin ótinishter qabyldanyp jatyr. Bul týraly Egemen.kz mınıstrliktiń baspasóz qyzmetine silteme jasap habarlaıdy.

Bıyl memlekettik bilim grantyna úmitkerlerdiń sany 80 myńnan asady, onyń ishinde 61 039 talapker qujattaryn eGov.kz elektrondyq úkimet portaly arqyly tapsyrǵan. Grantqa qujattardy joo-nyń vırtýaldy qabyldaý komıssııasy arqyly da tapsyrýǵa bolady. Mamandar beıne baılanys arqyly talapkerlerge keńes berip, qajetti bilim berý baǵdarlamasyn tańdaýǵa kómektesedi. Joo-nyń vırtýaldy qabyldaý komıssııasy arqyly 9 472  talapker qujat tapsyrǵan. Qujattardy osyndaı tásilmen tapsyrý elektrondyq sıfrlyq qoltańbasy (ESQ) joq azamattar úshin yńǵaıly. Qujattardy 30 shildege deıin tapsyrýǵa bolady.

53 myń qazaqstandyq talapker joǵary bilimdi tegin – memleket esebinen ala alady. Memleket eńbek naryǵynda neǵurlym suranysqa ıe kadrlardy daıarlaýǵa aqsha bóledi, onyń ishinde aqparattyq tehnologııalar salasyndaǵy mamandarǵa, pedagogter men qurylysshylarǵa degen úlken suranys baıqalady. Osy úrdisti eskere otyryp, atalǵan baǵyttar boıynsha memlekettik tapsyrys kólemi de artýda. Granttar ýnıversıtetterge bólinbeıdi, ıaǵnı úmitkerlerdiń sońynan júredi - bári olardyń tańdaýyna baılanysty ekendigin aıta ketken jón.

Mysaly, 2020-2021 jyldary "Aqparattyq tehnologııalar" mamandyǵyna kóp grant bólingen, atap aıtsaq 2 468 grant. Bolashaq IT-mamandardy elimizdiń 49 joǵary oqý ornynda oqytady.

"Qoǵamdyq densaýlyq saqtaý" mamandyǵy boıynsha 2 147 grant bólingen. Bul sala boıynsha mamandardy 11 medısınalyq ýnıversıtet daıyndaıdy. Jalpy, medısınalyq qyzmetkerlerdi oqytýǵa bıýdjetten bıyl 2 700 orynǵa qarjy bólindi.

8 myńnan astam bıýdjettik oryn pedagogıka salasyndaǵy mamandyqtarǵa tıesili. Olardyń ishinde eń kóbi – "Mektepke deıingi oqytý jáne tárbıeleý" (789 grant), "Shet tili muǵalimderin daıarlaý" (760 grant), "Hımııa muǵalimderin daıarlaý" (740 grant), "Fızıka muǵalimderin daıarlaý" (730 grant), "Bıologııa muǵalimderin daıarlaý" (730 grant), "Bastaýysh oqytýdyń pedagogıkasy men ádistemesi" (660 grant), "Matematıka muǵalimderin daıarlaý" (500 grant), "Gýmanıtarlyq pánder boıynsha muǵalimderdi daıarlaý" (350 grant), "Dene shynyqtyrý muǵalimderin daıarlaý" (200 grant), Sondaı-aq alǵashqy áskerı daıyndyq muǵalimi (20), mýzyka muǵalimi (30), kórkem eńbek jáne syzý muǵalimderin daıarlaý (30) baǵyttary boıynsha da grant utyp alýǵa bolady.

"Elektrotehnıka jáne energetıka" (1 800), "Taý-ken isi jáne paıdaly qazbalardy óndirý" (1 702),  "Mehanıka jáne metall óńdeý" (1 500) mamandyqtary boıynsha kóp grant bólingen.

Gýmanıtarlyq baǵyttaǵy 12 mamandyq boıynsha 1 285 bıýdjettik oryn bólingen, atap aıtqanda, fılosofııa jáne etıka, din jáne teologııa, tarıh jáne arheologııa, aýdarma isi, fılologııa, áleýmettaný, saıasattaný, jýrnalıstıka men reporterlik is jáne  t.b.

Sonymen qatar, memleket tarapynan "Bıologııa jáne aralas ǵylymdar" (650 grant), "Fızıka" (852 grant), "Hımııa" (670 grant), "Matematıka jáne statıstıka" (600 grant), "Aqparattyq qaýipsizdik" (600 grant), "Kommýnıkasııa jáne kommýnıkasııalyq tehnologııalar" (500 grant), "Elektrotehnıka jáne avtomattandyrý" (720 grant), "Jer týraly ǵylym" (450 grant) jáne taǵy basqa baǵyttar qarjylandyrylady.

Talapkerler aýyl sharýashylyǵy salasyndaǵy – "Veterınarııa" (825 bıýdjettik oryn), "О́simdik sharýashylyǵy" (470), "Agroınjenerııa" (360) mamandyqtary boıynsha da konkýrsqa qatysa alady.

Esterińizge sala keteıik, joo-nyń akademııalyq erkindigi sheńberinde 2019 jyldan bastap bilim berý baǵdarlamalarynyń Tizilimi júrgizilýde, bul aýqymdy tehnıkalyq jáne mazmundy saraptama júrgizý arqyly baǵdarlamalardyń sapasyn baǵalaýǵa múmkindik berdi. Búgingi tańda Tizilimge 9 130 bilim berý baǵdarlamasy engizilgen, onyń ishinde 541 jańa jáne 83 ınnovasııalyq baǵdarlama.

Máselen, 1 qyrkúıekten bastap elimizdiń joǵary oqý oryndary "Derekterdi qoldanbaly taldaý", "Tehnologııalardy jáne ınnovasııalardy basqarý", "Bıoınjenerııa", "Sıfrlyq aýdarma", "Sport jýrnalıstıkasy", "IT-kásipkerlik jáne sıfrlyq ekonomıka", "Sandyq pedagogıka", "Jasandy ıntellektisi bar joǵary júktelgen aqparattyq júıeler», «Aqparatty óńdeý jáne derekterdi vızýalızasııalaý", "Sıfrlyq analıtıkalyq bilim berý júıelerin jobalaý", "Tabıǵı-tehnogendik qaýip-qaterler", "Aýyl sharýashylyq ekologııasy", "Medısınalyq quqyq", "Qoldanbaly epıdemıologııa" jáne t.b. mamandyqtar boıynsha kadrlardy daıarlaıdy.

Sońǵy jańalyqtar

Almatyda baqylaý kúsheıtildi

Koronavırýs • Búgin, 14:08

Aqsha emes, abyroı qymbat

Boks • Búgin, 13:04

Kúrshim ózeni de lastana bastady

Ekologııa • Búgin, 12:38

Tiliksiz ota jasaldy

Medısına • Búgin, 12:20

Almaty mańynda jer silkindi

Aımaqtar • Búgin, 09:35

Koronavırýstan 9 adam qaıtys boldy

Qazaqstan • Búgin, 09:28

Emdelip jatqan 634 naýqastyń jaǵdaıy aýyr

Koronavırýs • Búgin, 09:22

Qazaqstanda vaksına saldyrǵandar sany artty

Koronavırýs • Búgin, 09:17

Almaty oblysy «qyzyl» aımaqqa ótti

Koronavırýs • Búgin, 09:15

Sport jańalyqtaryna sholý

Sport • Búgin, 09:07

Sarannyń uzyn sákisi

Qazaqstan • Búgin, 09:05

Kóbelekter kórmesi

О́ner • Búgin, 09:04

Qarsylastar anyqtaldy

Sport • Búgin, 08:59

Jáýdir ana

Tanym • Búgin, 08:56

Taǵy bir sport nysanynyń tusaýy kesildi

Aımaqtar • Búgin, 08:53

Fızıkalyq ýran qoryna qatysady

Ekonomıka • Búgin, 08:46

543 mlrd teńgeniń ónimi óndirildi

Ekonomıka • Búgin, 08:44

Áıelder kásipkerligi qoldaý taýyp jatyr

Ekonomıka • Búgin, 08:43

Basqa basylymdarǵa sholý

Álem • Búgin, 08:41

Uqsas jańalyqtar