Bul ǵylymı jıyn "Qazaq tili álipbıin latyn grafıkasyna 2025 jylǵa deıingi kezeń-kezeńimen kóshirý jónindegi is-sharalar jospary" aıasynda uıymdastyryldy.
Otyrysqa Bilim jáne ǵylym mınıstrligi Ǵylym komıtetiniń tóraǵasy J.Qurmanǵalıeva qatysyp, jańa álipbıdi engizý máseleleri boıynsha sóz sóıledi.
Otyrys QR Mádenıet jáne sport mınıstrligi Til saıasaty komıteti tóraǵasynyń mindetin atqarýshy, Orfografııalyq jumys tobynyń múshesi Á.K.Qabanyń tóraǵalyǵymen ótti.
Otyrysqa Orfografııalyq jumys tobynyń quramyndaǵy A.Baıtursynuly atyndaǵy Til bilimi ınstıtýtynyń, Abaı atyndaǵy Qazaq ulttyq pedagogıkalyq, Nazarbaev, L.N.Gýmılev atyndaǵy Eýrazııa ulttyq, E.A.Bóketov atyndaǵy Qaraǵandy memlekettik, Pavlodar memlekettik pedagogıkalyq ýnıversıtetteriniń jáne Sh.Shaıahmetov atyndaǵy "Til-Qazyna" ulttyq ǵylymı-praktıkalyq ortalyǵynyń ǵalymdarynan turatyn jumys tobynyń músheleri qatysty.
Álipbıdi jetildirý jumystarynyń barysy týraly QR Mádenıet jáne sport mınıstrligi Til saıasaty komıteti tóraǵasynyń orynbasary, Orfografııalyq jumys tobynyń múshesi Á.K.Qaba negizgi baıandama jasady. Ol óz baıandamasynda Mınıstrlik tarapynan jańa álipbıdi qabyldaýǵa baılanysty jumystardyń maqsaty, nátıjesi jóninde tolyq aqparat berdi. Sonymen birge alda turǵan mindetter jóninde de aıtyp ótti.
Álipbıdiń jetildirilgen nusqasynyń jobasy Ahmet Baıtursynuly atyndaǵy Til bilimi ınstıtýtynyń jáne Sh.Shaıahmetov atyndaǵy "Til-Qazyna" ulttyq ǵylymı-praktıkalyq ortalyǵynyń ǵylymı keńesterinde talqylanyp, Orfografııalyq jumys tobynyń qaraýyna usynylǵan. Otyrysta osy jobalar jumys toby músheleri tarapynan keńinen talqylandy. Ǵalymdardyń usynystary men pikirleri tyńdaldy.
Kún tártibinde, sondaı-aq, qazaq tiliniń emle erejeleri boıynsha A.Baıtursynuly atyndaǵy Til bilimi ınstıtýtynyń dırektory, fılologııa ǵylymdarynyń kandıdaty A.Fazyljanova baıandama jasady. Álipbı jobalarynyń IT baǵdarlamalarǵa sáıkestigi boıynsha Ulttyq komıssııa janyndaǵy Tehnıkalyq jáne aqparattyq súıemeldeý jónindegi jumys tobynyń múshesi, IT mamany R.Izǵalı baıandama jasady.
Ulttyq komıssııa janyndaǵy Orfografııalyq jumys tobynyń músheleri osy ǵylymı jıynda talqylap, ǵalymdar maquldaǵan latyn álipbıiniń jobasy Ulttyq komıssııaǵa jiberiletin bolyp sheshildi. Sonymen birge emle erejeleri de jumys toby músheleri tarapynan taǵy da pysyqtalyp, atalǵan komıssııaǵa usynylatyn boldy.
