Aqtóbe oblysynda osy jyldyń sońyna deıin jolshylar joldardyń 606 shaqyrymyn jańartpaq.
Naqtyraq aıtqanda, bıyl munda avtomobıl joldary salasynda 41 joba júzege asyrylýda. Olardyń ekeýi - joldardy salý, úsheýi - joldardy qaıta jańartý, tórteýi - joldardy kúrdeli jóndeý, 33-i - joldardy ortasha jóndeý jobalary.
Aıta ketý kerek, Aqtóbe oblysynda jaqsy jáne qanaǵattandyrarlyq jaǵdaıdaǵy jergilikti joldardyń úlesi 56,5 % quraıdy. Jyl sońynda atalmysh kórsetkish 59% deıin ulǵaıtylyp, jaqsy jáne qanaǵattandyrarlyq jaǵdaıdaǵy jergilikti avtomobıl joldarynyń uzyndyǵy 2,9 myń shaqyrymdy quraıtyn bolady.
Eske salaıyq, óńirdegi jergilikti joldardyń jalpy uzyndyǵy 4,9 myń shaqyrymdy quraıdy. Olardyń 1,2 shaqyrymy - oblystyq, 3,7 shaqyrymy - aýdandyq joldar.
Budan bólek, aımaqta respýblıkalyq mańyzy bar joldardy salý, qaıta jańartý, jóndeý jobalary júzege asyrylýda.
Tıisti jumystarmen joldardyń 296 shaqyrymy qamtylatyn bolady.
