Aımaqtar • 23 Shilde, 2020

Almatyda tósek-oryn qory 500-den 6 myńǵa deıin ulǵaıdy

58 ret kórsetildi

Bul týraly búgin qala ákimi Baqytjan Saǵyntaev "Almaty" telearnasynda ótken Akimat Live baǵdarlamasynyń tikeleı efırinde aıtty, - dep habarlaıdy Egemen.kz.

Búgingi kúni qalada COVID-19-dyń 9851 oqıǵasy tirkelgen.

Táýlik ishinde 216 jańa oqıǵa anyqtalǵan. Qazirgi kezde 5796 adam saýyǵyp shyqty, al táýlik ishinde saýyqqandary – 129 pasıent. Koronavırýs indetinen 73 adam (saraptamadan ótkender) qaıtys boldy.

"TJ jarııalanǵan kezde bizde jalpy syıymdylyǵy 500 tósek-oryndyq eki stasıonar ǵana jumys istep turdy. Búgingi kúni tósek-oryndardyń sany 6096-ǵa jetti", - dedi B. Saǵyntaev.

Sonymen qatar, ol aldaǵy 1,5-2 aı ishinde COVID-19-ben aýyrǵandar úshin stasıonarlardaǵy tósek-oryndardyń 7700-ge deıin artatynyn atap ótti.

Aıta keterligi, tósek-oryndyq qordy ulǵaıtý jáne naýqastardy emdeý oryndaryna jetkizýdi eshelondaý barysynda kovıdti stasıonarlardyń júktemesi 90 paıyzdan 48 paıyzǵa tómendedi. Ákim aıtyp ótkendeı, aýyr naýqastardyń sanyn azaıtýǵa barlyq kúsh jumyldyryldy ári bul oń nátıjesin berdi.

Aldaǵy kúnderi jańa kovıdtik stasıonarlar iske qosylatyn bolady, bular densaýlyq saqtaý nysandarynyń bazasynda ashylady jáne sanıtarlyq-epıdemıologııalyq aýdıtten aldyn ala ótedi. Qalanyń tıisti qyzmetteri qazirgi kezde shıpajaılarda qosymsha tósek-oryndar daıyndaýda, ıaǵnı "Qazaqstanda" 250 tósek-oryn, "Kóktemde" 376 tósek-oryn, "Samal" pansıonatynda 140 tósek-oryn, "Astana" qonaq úıinde 230 tósek-oryn, QazATK jataqhanasyda 360 tósek-oryn, UOS múgedekterine arnalǵan respýblıkalyq klınıkalyq gospıtalde 100 tósek-oryn, arnaýly áleýmettik qyzmet kórsetý ortalyǵynda 500 tósek-oryn bolady. Bul jańa stasıonarlar tamyz aıynyń sońyna deıin kezeń-kezeńmen iske qosylady.

Aıta keterligi, ákimdik ana men balanyń densaýlyǵyn qorǵaýǵa erekshe nazar aýdarýda. Barlyq áıel-ananyń búgingideı pandemııa kezeńinde qaýipsiz jaǵdaıda bosanýy, bosanǵanǵa deıin jáne bosanǵannan keıin de turaqty kútim alýy mańyzdy. Qalada bosanatyn áıelder úshin №4 perzenthanada 45 tósek-oryn jabdyqtalǵan. Jaqyn arada osy perzenthananyń 60 tósek-orynǵa arnalǵan jańa korpýsy iske qosylady. Sonda mundaǵy jalpy oryn sany 105-ke jetedi.

Pasıentterdi shuǵyl ornalastyratyn ýaqytsha stasıonarlarǵa kúndelikti monıtorıng júrgiziledi. Qysqa merzimde jańa stasıonarlar ashylady, jáne qajetti quraldarmen jabdyqtalatyn bolady. Jańadan iske qosylatyn nysandar ishteri qaıta josparlanady, shlıýzder ornatylyp,bokstar oqshaýlanady. Barlyq deńgeıdegi medısınalyq kómek kórsetýdiń tıimdiligin arttyrý úshin densaýlyq saqtaý júıesine ózgerister engiziledi.

Kúzgi-qysqy maýsym maýsymnyń aldynda qosymsha tósek-oryndar qajet bolsa barlyq sharalar ýaqtyly ári pármendi túrde júrgiziletin bolady.

Sońǵy jańalyqtar

Pavlodarda jer astynan sý atqylady

Aımaqtar • Búgin, 14:25

12 tamyzǵa arnalǵan aýa raıy boljamy

Aýa raıy • Búgin, 10:30

Birqatar óńirde aýa sapasy nasharlady

Ekologııa • Búgin, 09:45

2186 adam koronavırýstan jazylyp shyqty

Koronavırýs • Búgin, 09:30

Baqytjan Saǵyntaev jańa qyzmetke saılandy

Taǵaıyndaý • Búgin, 09:22

Elorda «jasyl» aımaqqa ótti

Koronavırýs • Búgin, 09:13

Bir kúnde 1643 adamnan koronavırýs anyqtaldy

Koronavırýs • Búgin, 09:00

1/16 fınalǵa shyǵa almady

Tennıs • Búgin, 08:45

Uqsas jańalyqtar