Atyn aıtpaǵan kásipker aýrýhanaǵa 15 apparat syılady

Aımaqtar • 26 Shilde, 2020

Atyn aıtpaǵan kásipker aýrýhanaǵa 15 apparat syılady

Almaty oblysyndaǵy epıdemııalogııalyq ahýal qalypqa túsip keledi. Qazir aımaq turǵyndary arasynda indet taralýy báseńdegen. Ony naýqastardyń dárgerlik kómekke júginýiniń kúrt azaıýynan baıqaýǵa bolady. Mysalǵa, sońǵy eki apta kóleminde "Jedel járdem" shaqyrýshylar legi 20 paıyzǵa deıin kemidi, - dep habarlaıdy egemen.kz.

Qalmahanbet MUQAMETQALI

Al aımaqtaǵy dári-dárimek qory men tynys alý apparattarynyń jetispeýshiligi de oń sheshimin tapqandaı. Málimet boıynsha, qazir qajetti dári-dármek qorynda 250,9 myń tabletka dene qyzýyn túsiretin dári, 475 myń dana antıbıotık jáne 40,5 myń dana vırýsqa qarsy preparat bar eken. Iаǵnı, emdeý mekemeleri qajetti dárimen tolyqtaı qamtylǵan. Sondaı-aq, oblys bıýdjetinen bólingen qarjyǵa 50 dana ókpeni jasandy tynys aldyrý qurylǵysy satyp alyndy. Osy maqsatqa 625 mln teńge bólingen eken. Taǵy 127 jasandy tynys alý apparatyna tapsyrys berligen. Al demeýshilerdiń kómegimen osyndaı 11 qurylyǵy satyp alynyp, oblystyń aýrýhanalaryna tabystalypty. Kásipkerler qosymsha qarjy jınap, taǵy 19 apparat syıǵa tartpaqshy. Qazir oblys boıynsha ókpege jasandy jolmen tynys beretin qurylyǵylar sany 407 birlikti qurady. Onyń ishinde 60 apparat balalarǵa arnalǵan eken.

Kásipker demekshi, qaltaly azamattardyń qaıyrym isinen qalys qalmaǵany qýantady. Bul bastamaǵa jetisýlyqtar bir kisideı jumylyp, úles qosyp otyr desek, jańylyspaımyz. Tipti, óz qarjysyna aýrýhanaǵa qajetti qurylǵy satyp alyp berip, aty-jónin atamaýdy ótingen jomart jandar da bar eken. Mysalǵa, Kerbulaq aýdanynyń turǵyny ortalyq aýrýhanaǵa 15 ottegi konsentratoryn syıǵa tartqan. "Oń qolyńnyń bergenin, sol qolyń kórmesin" degen ustanymda bolǵan kásipker ózi týraly aqparat berýden bas tartypty. Jaqynda osy aýdandyq aýrýhanaǵa taǵy 5 apparat jetkizilmek. Nátıjesinde,emdeý mekemesi qajetti qurylǵymen tolyqtaı jabdyqtalmaqshy.

- Aýdandyq aýrýhanada 55 naýqas pnevmonııadan emdelýde, onyń beseýi jan saqtaý bóliminde jatyr. Sondyqtan ottegi konsentratory bizge óte qajet bolatyn. Qurylǵynyń múmkindigi zor. Atalǵan apparattardy bir táýlikte jetkizip, kómek kórsetken demeýshige aýdan turǵyndary atynan jáne dárigerler atynan aıtar alǵysymyz sheksiz. Endi dárigerler emdelýshilerge ottegi konsentratorynyń kómegimen ýaqytyly járdem kórsete alady,- deıdi Kerbulaq aýdandyq aýrýhanasynyń dırektory Qaırat Erjanov.

Osyndaı ıgi iske Alakól aýdanynyń qaltaly azamatary da óz úlesin qosýda. Kásipkerler emdeý mekemelerine medısınalyq qural-jabdyqtardy syıǵa tartýda. Sol arqyly jerlesteriniń ómirin saqtap qalýǵa barynsha at salysýda. Olar indetke shaldyqqan naýqastardyń emine shıpa bolar degen senimmen qoldaý kórsetip, 11 ottegi konsentrantyn tabys etti.

Almaty oblysy

Kúnniń mańyzdy jáne ózekti jańalyqtaryn «Egemen Qazaqstan» telegram kanalynan oqyńyz