Nursultan Nazarbaev J.Úshkempirovtiń ómirdegi árbir qadamy men atqarǵan isteri óziniń esimine saı, jan-jaǵyna tek jaqsylyq pen izgiliktiń shýaǵyn shashyp júretin, halqymyzdyń shynaıy maqtanyshyna aınalǵan uly perzentteriniń biri bolǵanyn atap ótti.
«Ol grek-rım kúresi boıynsha qazaqqa alǵashqy bolyp álemniń eń basty ataǵyn syılady. Kásipkerlikpen de tabysty aınalysyp, el ekonomıkasynyń órkendeýine laıyqty úlesin qosa bildi. Qaıyrymdylyq is-sharalarǵa belsene atsalysyp, kásipkerlik tájirıbesin ózgelermen bólisip, jaqsy úlgi men ónege kórsetti.
Men onymen ótkizgen kezdesýlerimdi árkez rızashylyqpen eske alamyn. Otandastarymyz da onyń esimi men eńbegin umytpaıdy dep senemin», - delingen jedelhatta.
