Naqtyraq aıtar bolsaq, Dostyq shaǵyn aýdanyndaǵy elektr jelileriniń qurylysyna 2019 jyly bıýdjetten 400 mln tg qarastyrylyp, jumysy bastalǵan bolatyn. Bıyl taǵy 240,6 mln teńge bólinip, elektr baǵanalary ornatylyp jatyr. Jalpy joba quny 848,1 mln teńgeni quraıdy. Merdiger "KazAlfaStroı" kompanııasy elektr jelisin keler jyldyń qarasha aıynda quryp bitirýi tıis. Nátıjesinde, 47 km jeli jáne 13 dana KTP ornatylatyn bolady.
Munan ózge, Turan shaǵyn aýdanynda elektr jaryǵy qurylysyna bıyldyń ózinde 256,3 mln teńge qarastyrylyp, "ABM Bıldıng" JShS-y tarapynan jumystary bastaldy. Jalpy quny 2 mlrdtan asatyn joba 2021 jyly qarasha aıynda qoldanysqa beriledi.
Al, Asar-2 shaǵyn aýdanyndaǵy elektr jelileriniń qurylysyna 2019 jyly bıýdjetten 700 mln teńge qarastyrylǵan. Bıyl bolsa, 474,8 mln teńge bólinip, qurylys jumystary atqarylyp jatyr. Quny 1 mlrd-tan asatyn qýat jelisin "Remstroı Almaty" kompanııasy osy kúzde salyp bitýi qajet.
Munan bólek, Qarataý aýdanyndaǵy Tassaı, Azat, Qaıtpas shaǵyn aýdandarynda da elektr baǵanalaryn ornatý jumystary júrip jatqanyn aıta ketken jón.
