Aımaqtar • 04 Tamyz, 2020

Maska taqpaǵan jolaýshyny ushaqtan túsirip tastady

16 ret kórsetildi

Atyraý qalasy áýejaıyndaǵy jelilik polısııa bólimshesine "Qazaq Air" AQ áýekompanııasynyń ókilinen "Atyraý-Aqtaý" baǵytyndaǵy ushaqqa otyrǵyzý kezinde tártip buzǵan jolaýshy anyqtalǵany týraly habarlama túsken. Bul týraly Kóliktegi polısııa departamentiniń baspasóz qyzmeti habarlady, - dep jazady Egemen.kz

Kóliktegi polısııa departamenti basshysynyń birinshi orynbasary Qalıjan Qoblandınniń habarlaýynsha, tekseris kezinde polıseıler komandır men ekıpaj músheleriniń aıtqanyn oryndamaı, maska taǵýdan bas tartyp karantın erejesin buzǵan 60 jastaǵy Aqtóbe qalasynyń turǵynyn anyqtady. Saraptama barysynda azamattyń ishimdik ishkeni anyqtaldy. Tártipke baǵynbaǵan jolaýshyny ushaqtan túsirip tastady.

"Tártip buzýshyǵa qatysty QR ÁQBtK- niń 440-babynyń 1-bóligi (alkogoldik ishimdikterdi ishý nemese qoǵamdyq oryndarǵa masań kúıde kelý) jáne QR ÁQBtK-niń 566-baby (ushaqta ózin-ózi ustaý erejelerin buzý) boıynsha ákimshilik hattama toltyrylyp, 8 AEK (22 224 teńge-red.) kóleminde aıyppul salyndy", - dedi polısııa polkovnıgi.

Sonymen qatar jolaýshyǵa qatysty QR ÁQBtK-niń 425-baby (Halyqtyń sanıtarlyq-epıdemıologııalyq salaýattylyǵy salasyndaǵy zańnama talaptaryn, sondaı-aq gıgıenalyq normatıvterdi buzý) boıynsha ákimshilik hattama toltyrylyp, ol Atyraý bólimshelik kóliktegi taýarlar men kórsetiletin qyzmetterdiń sapasy men qaýipsizdigin baqylaý basqarmasyna jiberildi.

Sońǵy jańalyqtar

Aq úıdiń alǵashqy meımany

Álem • Búgin, 12:15

ShQO-da mal urylary ustaldy

Aımaqtar • Búgin, 11:00

Uqsas jańalyqtar