IAEE quramyna kirý týraly ótinimdi Qurylys jáne sáýlet ǵylymı – zertteý jáne jobalaý ınstıtýtynyń ("QazQSǴZI" AQ) bazasynda qurylǵan "Qazaqstan Respýblıkasy seısmıkaǵa tózimdi qurylys qaýymdastyǵy" berdi.
IAEE talaptaryna sáıkes, múshelikke engizý jónindegi ótinish 6 aı ishinde qaraldy, sodan keıin IAEE atqarý komıtetiniń otyrysynda Qazaqstanǵa ulttyq delegat mártebesi berildi.
IAEE múshesi bolý qazaqstandyq mamandarǵa seısmıkalyq qaýipsizdikti qamtamasyz etýde halyqaralyq tájirıbe almasýǵa, jańa qurylys tehnologııalaryn zerteýge jáne qoldanýǵa, jas mamandardy birlesip oqytýǵa, birlesken zattaı synaýlar uıymdastyrýǵa múmkindik beredi.
IAEE quramyna 59 memleket kiredi.
Qazirgi ýaqytta Qazaqstan 2025 jyly ótetin delegattar Bas qaýymdastyǵynyń 18 otyrysynyń ótetin ornyn (18WCEE) tańdaý jóninde onlaın – nusqaý aldy (ulttyq delegat retindegi birinshi tapsyrma). Daýys berý 15 qazan men 25 qarasha aralyǵynda onlaın rejımde ótedi.
Anyqtama úshin: halyqaralyq seısmıkaǵa tózimdi qurylys qaýymdastyǵy (IAEE) – bul kommersııalyq emes uıym, onyń ishinde seısmıkalyq tózimdi qurylys boıynsha álemniń ulttyq qoǵamdarynyń ókilderi bar. Uıym 1963 jyldyń aqpan aıynda Tokıodaǵy ortalyq keńsede qurylǵan.
IAEE seısmıkaǵa tózimdi qurylys salasyndaǵy ǵalymdar men ınjenerler arasyndaǵy bilim, usynystar, zertteý nátıjeleri jáne praktıkalyq tájirıbe almasý arqyly halyqaralyq yntymaqtastyqqa yqpal etýge múddeli.
Sonymen qatar IAEE mamandandyrylǵan merzimdi basylymdardy shyǵarady jáne ár 4 jyl saıyn búkil álemnen myńdaǵan qatysýshylar jınalatyn seısmıkaǵa tózimdi qurylys jónindegi dúnıejúzilik konferensııany (WCEE) ótkizedi.
