Aımaqtar • 06 Tamyz, 2020

Emhanalar josparly jumystaryn bastady

44 ret kórsetildi

Qyzylorda qalasynda 360 oryndyq provızorlyq ortalyq ja­byldy. Medısınalyq mekeme indet órship turǵan ýaqytta Qorqyt ata atyndaǵy Qyzylorda memlekettik ýnıversıtetiniń 5-shi jataqhanasynan ashylǵan bolatyn. Shildeden bastap jumys isteı bastaǵan ortalyqta bir aıda ókpesi qabynǵan 1 myńǵa jýyq naýqas em alypty. Jaqynda ortalyqtaǵy sońǵy naýqas saýyǵyp, úıine qaıtty. Osy ýaqyt aralyǵynda emdeý mekemesinde 200-ge jýyq medısınalyq qyzmetker jumys istegen.

Indettiń órshýine baılanys­ty osyǵan deıin oblystaǵy emha­nalarda skrınıngtik jáne pro­fılaktıkalyq tekserý, jos­par­­ly stomatologııalyq qyz­met, salamatty ómir saltyn us­taný boıynsha sharalar, psı­ho­logııalyq kómek kórsetý ýaqyt­sha toqtatylǵan bolatyn. Qazir olar da josparly jumystaryna kóshe bastady.

Derttiń beti qaıtyp, dá­ri­ger kómegine zárý jandar qa­ta­­ry azaı­ǵandyqtan oblys­tyq ftızıopýl­monologııa or­­ta­­ly­ǵynyń 120 tósektik orynǵa ar­nalǵan ınfeksııalyq stasıona­ry da jabylyp, 100 orynǵa shaq­talǵan provızorlyq stasıonar bolyp qaıta jasaqtalady. Al 10 tamyzdan bastap kópbeıindi qa­lalyq aýrýhananyń 210 orynǵa arnalǵan provızorlyq stasıonary jumysyn toqtatyp, zalalsyzdandyrý jumystary júr­gizilgennen keıin shuǵyl jáne jos­parly emdeý jumystaryn bu­rynǵysha jalǵastyrady.

Jýyrda ótken baspasóz kon­ferensııasynda oblystyq den­saýlyq saqtaý basqarmasynyń basshysy Sábıt Pazylov aımaq­taǵy ahýaldyń turaqtalyp kele jatqanyn atap ótti.

– Jalpy, búgingi josparly emdeý jumystarynyń qaı­ta is­ke qosylyp jatqany – aı­maq­ta epıdemııalyq ahýaldyń turaq­talǵanynyń dáleli. Osy baǵytta atqarylyp jatqan jumystyń barlyq kórsetkishteri nátıjeli, – dedi basqarma basshysy.

Oblystyq kópbeıindi aýrýha­na da dúısenbiden beri naý­­qastardy josparly túrde qa­­byldaýdy bastady. Pandemııaǵa baı­lanysty aýrýhana 4 aı boıy mundaı qyzmetti ýaqytsha toq­tatqan edi. Endi aýrýhana bu­ryn­ǵysha barlyq naýqasty qa­byl­daıdy. Qazir munda jedel túr­de túsken 370 naýqas emdelý­de.

Jumylǵan istiń nátıjesinde in­dettiń beti qaıtty. Biraq ar­qa­ny keńge salýǵa áli erte. Maman­dar sanıtarlyq talapty saqtap, saqtanyp júrý kerektigin aıtady.

 

QYZYLORDA

 

Sońǵy jańalyqtar

Aısberg aqıqaty

Ádebıet • Keshe

Joq kitapty izdeý

Ádebıet • Keshe

Krest-kedergi...

Ádebıet • Keshe

Zaısanda mal qyrylyp jatyr

Aımaqtar • Keshe

Uqsas jańalyqtar