Jańa orynbasarlardy ujymǵa "Atyraý-Aqparat" basshysy Ysqaq Egemberdıev tanystyryp, qyzmetterine sáttilik tiledi.
Raýan Sábıtuly 1985 jyly dúnıege kelgen. Bilimi – joǵary. 2010-2012 jyldary ál-Farabı atyndaǵy Qazaq ulttyq ýnıversıtetin áleýmettaný mamandyǵy boıynsha támamdaǵan. Jýrnalıstıka magıstri, jýrnalıstıka jáne saıasattaný fakýltetiniń doktoranty dárejesi bar. Malaızııa, Slovakııa, Ońtústik Koreıa, Túrkııa elderinde ǵylymı taǵylymdamadan ótip, biliktiligin arttyrǵan.
Eńbek jolyn 2005 jyly respýblıkalyq "Ana tili" gazetinde tilshi bolyp bastaǵan. 2008-2016 jyldary aralyǵynda redaktor-júrgizýshi, bas redaktordyń orynbasary, bas redaktor, "Qazaqstan-Atyraý" telearnasy dırektorynyń orynbasary qyzmetterin atqarǵan. 2017-2018 jyldary "Atyraý-Aqparat" JShS dırektorynyń orynbasary laýazymynda bolǵan. Sońǵy eńbek etken orny - "Jaıyq Press" JShS dırektory.
Serik Baltabaıuly 1972 jyly týǵan. Bilimi - joǵary. Eńbek jolyn 1993 jyly "Atyraý" teleradıokompanııasynda operator, tilshi bolyp bastaǵan. 1997-2020 jyldary aralyǵynda sholýshy, menshikti tilshi, prodıýser, Atyraý qalasy ákiminiń baspasóz hatshysy, bas redaktor, bólim basshysy sııaqty túrli laýazymda eńbek etken. 2020 jyldan búginge deıin Atyraý oblystyq kommýnıkasııalar qyzmetiniń basshysy qyzmetin atqarǵan.
