Qoryq-mýzeı usynǵan ańyz-áńgimeler

Atap aıtqanda, naýryz aıynan beri elimizge bel­gili ǵa­lymdar men tarıh­shy­lar, arheologtar jáne res­ta­vratorlardyń qatysýymen tarıhı-tanymdyq baǵytta onlaın dárister, kezdesýler, kórmeler, «Bir jádiger – bir tarıh» atty beınesholý, kıe­li oryndarǵa «Ekskýrsııa saǵaty» syndy beınesapar t.b. sharalardy úzdiksiz at­qaryp keledi.

Sonymen qatar tól tarıhymyzda orny bar tulǵalar esimin urpaqqa jetkizý maq­sa­tynda – qoryq-mýzeı ujy­my jasóspirimderge arnap «Túrkistan jáne tarıhı oryn­dar men tulǵalar» atty qyl­qalam sheberleriniń kórmesi men sheberlik sabaǵyn da uıym­das­tyrǵan bolatyn.

Joǵarydaǵy keleli ister­diń jalǵasy retinde qoryq-mýzeı ujymy oqýshylardyń jazǵy demalysyn tıimdi paıdalanyp, olarǵa ańyz-áńgimeler men tarıhı de­rekterdi nasıhattaý, patrıot­tyq sezimge baýlý, tarıhı oryndar men tulǵalar jaıly tereńirek tanyp-bilýge sha­qyrý maqsatynda ańyz-áńgimeler toptamasyn qolǵa aldy.

Atap aıtqanda, mekeme óz kúshimen jınaqtaǵan «100 ańyz» kitabyndaǵy ańyz-áńgimelerdi: Qoja Ahmet Iаsaýı­­diń balalyq shaǵy, us­taz­dary men shákirtteri, ómir­lik joly men ónegesi, tarıhı oryndar men tulǵalar sııaqty taqyryptarǵa bó­lip, bul ataýlardy beıne kór­setilim, anımasııa, derek­ti fılm, grafıkalyq sýret úlgileri sııaqty tásilde oqý­shy­larǵa usynyp otyr. Bul ańyz-áńgimelerdi qoryq-mý­zeı­diń feısbýk paraqshasy já­ne ıýtýb pen resmı saıty ar­­qyly tamashalaýǵa bolady.