Aımaq basshysy óńirdegi bilim máselelerine qatysty atqarylǵan jumystarǵa toqtalyp, oqý jylyn qashyqtan ótkizý formatynyń erekshelikterine toqtaldy.
Esep boıynsha bıyl oblystaǵy 293 mektepte 168 myńnan asa oqýshy bilim alady. Al, 1-synypqa 18 789 bala qabyldanbaq. О́ńirdegi oqýshylardyń 83%-y, ıaǵnı 163 491 oqýshy birinshi toqsandaqashyqtan oqıdy. Al, aýdan ortalyǵynan shalǵaı ornalasqan jáne shaǵyn jınaqtalǵan 50 mektepte 4986 oqýshy shtattyq rejımde bilim alady. Árıne, barlyq sanıtarlyq talaptar qatań saqtalady. Bul óńirdegi oqýshylardyń 3 paıyzy.
Aımaq basshysy Gúlshara Ábdiqalyqova qashyqtan oqytý kezinde mektep oqýshylary men ustazdary úshin elektrondy qurylǵylarmen qamtamasyz etýmáselesi sheshimin tapqanyn tilge tıek etti.
- Oqýshylardyń kompıýter, planshet, noýtbýk, smartfondarmen qamtylýy taldandy. Jetispeıtinquraldar, birinshi kezekte mektep balansyndaǵy tehnıkalardy berý arqyly, ekinshi jergiliktijerde demeýshilerdiń qoldaýymen sheshilýde. Búgingi kúni Úkimetten 22 myńnan asa kompıýterlik tehnıkalar satyp alýǵa 3,5 mlrd.teńge qarjy bólinýde. Al, jergilikti bıýdjet esebinen 2 635 planshet alýǵa 176 mln.teńge qaraldy,-dedi oblys ákimi.
Jańa oqý jylynda oqýshylar men qatar ustazdarǵa da elektrondy qurylǵylar tabystalady. Asa qajettiligine qaraı mekteptegi kompıýterlerden bólek, 306 pedagogqa noýtbýk tabystalady.
Bıylǵy oqý jylynda mektep qurylystary da qarqyndy júrýde. Oblys ákimi bul máselege de arnaıy toqtaldy.
- Qazir 8 mekteptiń qurylysy júrgizilýde. Osy jyly Qyzylorda qalasynan jáne Jalaǵash aýdanynan 2 mektep qurylysy paıdalanýǵa beriledi dep josparlanýda. Sonymen qatar, oblys ortalyǵyndaǵy 600 oryndyq, Aral aýdany, Sekseýil kentindegi 300 oryndyq mektepter jylsońynda aıaqtalady dep kútilýde,-dedi G.Ábdiqalyqova.
Jıyn sońynda oblys ákimi qazirgi pandemııa jaǵdaıynda balalardyń qaýipsizdigi úshin ata-analardy úı jaǵdaıynda saqtyq sharalaryna mán berýge shaqyrdy.
