"Sizdermen birge jańa mereke – Abaı kúniniń toılanatyna kýá bola alamyz. Ol álemdik klassıkalyq ónerdiń eń aıshyqty oqıǵalarynyń qatarynda laıyqty oryn alatynyna senimdimin. "Astana Opera" teatry ujymynyń atynan osy tamasha oqıǵanyń bastamashysy bolǵan Mádenıet jáne sport mınıstrligine alǵysymdy bildiremin. Osy aıtýly kúni "Astana Opera "óziniń eń úzdik spektaklderiniń biri – Tengri TV-de jáne jaqynda ashylǵan "Abaı TV" telearnasynda "Abaı" operasyn usynady. Esterińizge sala keteıin, teatr osy týyndyny qoıǵany úshin QR Memlekettik syılyǵyn aldy. Spektakldi kórý kezinde barsha qazaqstandyqtarǵa aǵartýshy, fılosof, oıshyl, aqyn, hakim Abaı Qunanbaevtyń keremet álemine enýdi tileımin. Onyń irgeli ıdeıalary búgingi kúni de ózekti", dep atap ótti Qazaqstannyń eńbek sińirgen qaıratkeri "Astana Opera" MOBT dırektory Ǵalym Ahmedıarov.
"Abaı" operasynyń elordalyq tusaýkeserimen mýzykatanýshylar osy ulttyq shedevrdiń damýyndaǵy jańa kezeńdi baılanystyratynyn atap ótken jón.
Synshylardyń pikirinshe, "Astana Opera" qoıylymy teatr shyǵarmashylyǵyndaǵy jańa deńgeı, Qazaqstannyń opera ónerindegi jańa kezeń bolyp tabylady. Bul mýzykalyq jáne sahnalyq týyndynyń taǵdyrynda ol klassıkalyq álemdik túsinikte operalyq jetilýdegi bıiktikke kóterilýdiń ózindik nátıjesi bolyp kórinedi.
